गुथि विधेयकया न्यूयोर्कय् विरोध

Photo: fb(Raj Kumar Bista)

नेवाः गुथिं न्यूयोर्कय् गुथि विधेयक विरुद्ध जुलुस पिकाःगु दु । वल्र्ड नेवाः अर्गनाइजेसनया नायः सिजन श्रेष्ठया पाहाँसुइ वंगु जुन २२ तारिखय् जुलुस पिहाँ वःगु खः । नेपालय् गुथि विधेयक विरुद्ध आन्दोलन जुयाच्वंगु इलय् म्हिगः थथे जुलुस पिहाँवःगु खः । आन्दोलनया झ्वलय् जूगु बल प्रयोग व आन्दोलनकारी जूगुलिं नेपाःया गृह मन्त्रीया राजिनामा व आन्दोलनकारीपिंत सामन्ती धाःगुलिं सञ्चारमन्त्रीया तकं राजिनामा माग याःगु दु ।

Photo: fb(Raj Kumar Bista)

गुथि जग्गाय् सरकारं ततःधंगु भवन दयेकूगु, लँ तब्या यायेत स्थानियया छेँ थुनेगु ज्या याःगु व आःवयाः गुथि संरचनायात हे हस्तक्षप याना नेवाः पहिचान व अस्तत्वयात हे आघात याःगु नेवाः गुथि, न्यूयोर्कया न्वकु विजय मान सिंहं न्ह्यथनादिल । नेवाः त नेपालय् जक मखु संसारं हे दनेमाःगु सिंहं आह्वान यानादिल । थ्व आन्दोलन पहिचानया जूगुलिं गैर नेवाःत, आदिवासि, जनजातिपिंसं समर्थन यायेमाःगु वयेकलं न्ह्यथनादिल । भ्रष्ट नेतापिंत च्वनाच्वंगु थासय् वना खबरदारी यायेमाःगुलिइ वयेकलं बः बियादिल ।

Photo: fb(Bijay Man Singh)


Share on Google Plus

News: Newa News

    छ्याता
    फेसबुक छ्याता