अधिकार स्वत दइ गुबलय् झीसँ कर्तव्य पुवंकि : मिस नेपाल अनुष्का श्रेष्ठ


अनुष्का श्रेष्ठ थुगुसिया मिस नेपाल २०१९ जुइत ताःलाःगु दु । २५क्वःगु मिस नेपालया धेधेबल्लाखय् २४म्ह प्रतिस्पर्धीयात ल्यू लाका अनुष्कां मिस वल्र्ड नेपाः त्याःगु खः । ज्याझ्वलय् मू निर्णायक इला शर्मांया न्ह्यसः ‘झीसँ अधिकार स्वयां कर्तव्ययात ध्यान ब्यूसा संसार बांलाय् फु , छिगु थुकि छु बिचा दु ? धैगु न्ह्यसलय् 'थुगु खँ पक्का नं खः । झीसँ थःगु अधिकार जक कायेगु स्वयां झीसँ यायेमागु कर्तव्ययात अप्व बिचाः याःसा पक्का नं ह्यूपा वइ । अधिकार व कर्तव्य छगु हे सिक्काया निगु पाटा खः । झी मेपिंसं झीत छु याइ धका अप्व बिचा याइ तर ई वय् धुंकल झीसँ छु याना धका बिचाः यायेगु । झीगु अधिकार स्वत झीत दइ गुबलय् झीसँ झीगु कर्तव्य पुवंकि ।' लिसः नापं अनुष्का मिस नेपाल जुइत ताःलात ।


अथेेहे ‘मिस नेपाल यूनिभर्स’ प्रदिप्ता अधिकारीं त्याःगु दुसा ‘मिस नेपाल अर्थ’ रिया बस्नेत जूगु दु । अथेहे ‘मिस नेपाल इन्टरनेशनल’ जुइत मिरा कक्षपति ताःलात । मिस नेपाल सुप्रानेशनल धासा रोज लामा जुल ।

उत्कृष्ठ न्ह्ययेम्ह अनुष्का श्रेष्ठ, रक्षा उप्रेती, रोज लामा, प्रदिप्ता अधिकारी, सोफिया भुजेल, रिया बस्नेत व मिरा कक्षपति दथुइ धेधेबल्ला जूगु खः ।



‘मिस नेपाल’य् थुगुसि निर्णायक कथं अश्मी श्रेष्ठ, सन्नी रौनियार प्रधान, ओम बहादुर भन्डारी, तुविजा अग्रवाल, राजिव शाह, नवराज सिलवाल, विदुषी राना, पवन बहादुर पाण्डे, सुनिता लिम्बु खरेल व अनुप विक्रम शाही च्वंगु खः ।

किपुया लेब्रोटरी स्कुलय् ग्वसाग्वगु ज्याझ्वलय् दिपक बज्रचार्यं ‘मनमगन’ व रचना गुरुङं अंग्रेजी म्ये हाःगु खः ।

२५ दँ फूगु लसताय् पुलांपिं सकले‌ं मिस नेपालत तकं स्टेजय् वःगु खः ।




‘मिस नेपाल २०१९’या टाइटल त्याकामिया धलः

१. मिस फ्रेन्डसिपः न्यान्सी बोगटी

२. मिस ब्यूटिफूल हेयरः मिरा कक्षपति

३. मिस ग्ल्यामरः रोज लामा

४. मिस फोटोजेनिकः रोज लामा

५. मिस इन्टिलेक्चुअलः अनुष्का श्रेष्ठ

६. मिस न्याचुरल स्किनः जेनी महर्जन

७. मिस एथेलेटिक्सः प्रदिप्ता अधिकारी

८. मिस कन्फिडेन्टः निशा पाठक

९. मिस पपलुर च्वाइसः रिया बस्नेत

१०. मिस ट्यालेन्टः प्रदिप्ता अधिकारी

११. मिस फ्यासिनोः अनुष्का श्रेष्ठ

१२. ब्यूटी विथ दि प्रपोजः निकिता कर्माचार्य


Share on Google Plus

News: Newa News

    छ्याता
    फेसबुक छ्याता

0 comments:

Post a Comment