थौंकन्हेया ल्यासे ल्याम्हत मोबाइलय तक्यन : राजेन्द्र महर्जन


काठमाडौं नेवाः किन्दरगार्डेनया प्रिन्सिपल राजेन्द्र महर्जनं थौंकन्हेया ल्यासे ल्याम्हत मोबाइलय् तक्यना ई फुकाच्वंगु न्ह्यथनादिल । गोर्जियस इन्टिच्यूट अफ फेसन टेक्नोलोजी (गीफ्ट नेपाल)या ग्वसालय् जूगु हना ज्याझ्वःलय् महर्जनं थुगु इन्टिच्यूटं सराहनीय ज्या याःगु न्ह्यथनादिल । युवा वर्गयात थुकथं शीपमूलक ज्याय् लगेजुइगु ह्वःता ब्यूगु व थनयापिं न्हूगु पुस्ता सृजनशील ज्याय् जूगु खनाः थः तसकं लय्ताःगु वय्कलं न्ह्यथनादिल ।



अथेहे गीफ्ट नेपालाया संचालक लोकंह्वाम्ह डिजाइनर नापं कलाकार शोभा महर्जनं फुक्क ब्वनामी डिजाइनरया प्रगतिं थः लय्ताःगु व सकलसिया उत्तरोत्तर प्रगतिया कामना यानागु न्ह्यथनादिल । ज्याझ्वलय् बेस्ट ड्रेस डिजाइन व बेस्ट स्केचया त्याकामिपिंत हंगु खः । गीफ्ट नेपालया ब्वनामी डिजाइनरतय् दथुइ जुगु बेस्ट ड्रेस डिजाइन धेधेबल्लाखय् मुस्कान श्रेष्ठ न्हाप, मुस्कान महर्जन ल्यू व लेजिना महर्जन लियांल्यू लाःगु खः । अथेहे बेस्ट स्केच धासा बिनु लामां त्याकुगु खः ।




ज्याझ्वलय् मदिक्क ग्वाहालि यानावयाच्वंगु तिकिझ्याः वाःपौ व नेपालभाषा टाइम्सयात मतिनाया चिं लःल्हाःगु खः । फेसन डिजाइनर शोभा महर्जनया तिकिझ्याः वाःपौया फेसन स्तम्भया स्तम्भकार तकं खः । हना ज्याझ्वः धुंका तिकिझ्याः वाःपौया नितिं फेसन फोटोसुट तकं जुगु खः ।

दोलालघाटय् जूगु ज्याझ्वः धुंका पाहाँ नापं गीफ्ट नेपाल परिवारं न्ह्यइपुक पिकनिक तकं न्यायेकुगु खः । गीफ्ट नेपालया दँय्दसं थीथी ज्याझ्वः दथुइ थुकथं आउटडोर सुट नापं पिकनिक न्यायेका वयाच्वंगु दु ।

Share on Google Plus

News: Newa News

    छ्याता
    फेसबुक छ्याता