स्थापनाया खुदँ क्यंगु लसताय् नेपालभाषा लहना वाःपाैया शनिवार हना ज्याझ्वः याःगु दु । पत्रकारिता लागाय् मदिक्क सनाच्वनादिपिं खुम्ह पत्रकारतय्त पत्रकारिता पुरस्कार लःल्हागु दु ।
नीद्व निसः व नीनितका नापं लहना पंचवीर सिरपा पत्रकार लक्ष्मण नेवाःयात लःल्हागु दु । अथेहे झिन्याद्व नापं लहना धर्म मोति पत्रकारिता सिरपा कान्तिपुर दैनिकया पत्रकार हिमेशरत्न बज्राचार्ययात लःल्हागु दु । अथेहे झिद्व नापं लहना सुर–सम्मान पत्रकारिता पुरस्कार भिजन संसार डटकमया सम्पादक श्याम स्मृतयात देछागु दु । झिद्व नापं लहना मोहिनी सिरपा गोरखापत्र दैनिकया पत्रकार उपेश महर्जनयात लःल्हागु दुसा झिद्व नापं हे लहना न्यू जेनिथ पत्रकारिता सिरपा नेपालमण्डल टेलिभिजनया पत्रकार अनुप शाक्ययात लःल्हाःगु दु उकथं हे झिद्व नापं लहना केशव–कृष्णबदन मातुभाषा पत्रकारिता सिरपा नेवाःअनलाइनया सम्पादक नापं प्रकाशक सुजीव बज्राचार्ययात लःल्हागु दु। मूपाहाँ यें महानगरपालिका मेयर विद्यासुन्दर शाक्यं वयेकपिंत हना दीगु खः ।
थुगुसिया लहना विशेष सम्मान कृष्णलाल महर्जन, च्याङ्बा लामा, राज्यलक्ष्मी बज्राचार्य, अन्जना ताम्राकार व मोतिशान्ति शाक्ययात लःल्हागु खः । ज्याझ्वलय् ३ नंबर प्रदेशया सांसद राजेश शाक्य विशेष पाहाँ कथं झाःगु खःसा लहना वाःपाैया प्रकाशक नृपेन्द्रलाल श्रेष्ठ, सम्पादक जुजुमान महर्जन, व्यवस्थापक सुरेन्द्रभक्त श्रेष्ठं लहना वाःपाैया चर्चा याःगु खः ।
ज्याझ्व:या किपा:त
0 Comments:
Post a Comment