मानवअधिकारवादी, आदिवासी जनजाति आन्दोलनया न्ह्यलुवाः नापं नेवाः न्ह्यलुवाः पद्मरन्त तुलाधरया जीवनी व थीथी ब्यक्तिपिन्सं वय्कःया ब्यक्तित्वयात कयाः च्वयातःगु ‘सर्वरत्न’ सफू बुधवाः नेपाल कम्युनिष्ट पार्टी (नेकपा)या अध्यक्ष नापं पूर्व प्रधानमन्त्री पुष्पकमल दाहाल प्रचण्डया ल्हातं पितब्वज्या जूगु दु । पत्रकार नापं साहित्यकार जितेन्द्र श्रेष्ठं च्वयादीगु तुलाधरया संघर्ष व सफलताबारे खस भासं च्वयात:गु थुगु सफू पितब्यूगु खः ।
पद्मरत्न तुलाधर बहुआयामिक व्यक्ति जूगु प्रचण्डं न्ह्यथनादिल । भाषा आन्दोलन, पहिचान आन्दोलन, पत्रकारिता आन्दोलन भूमिका, मानवअधिकारवादी, साहित्यकारया रुप बारे चर्चा यानादिल । वयेकः मदया हामा मदुगु थें ताःगु प्रचण्डं न्ह्यथनादिल ।
शान्ति प्रक्रिया ताःलाकेत पद्मरत्नया योगदान दुगु न्ह्यथंसें प्रचण्डं शान्ति प्रक्रियाया ल्यं दुगु ज्या क्वचायेकेगु सम्बन्धय् फुक्कसित ग्वाहालिया नितिं इनाप यानादिल ।
पद्मरत्न तुलाधरया लुमन्तिइ माैनधारण याना ज्याझ्वः न्ह्याःगु खः । ज्याझ्वलय् पाहाँ कथं दमननाथ ढुंगाना, मल्ल के. सुन्दर, गौरी प्रधान, डा. स्टेला तामाङलिसें थीथी व्यक्तित्वपिंसं सफु पितब्वज्याय् ब्वति काःगु खः ।
ज्याझ्वलय् पुलांम्ह सभामुख दमननाथ ढुंगानां मदुम्ह पदमरत्न नेपाःया लोकतान्त्रिक आन्दोलन, भाषिक आन्दोलन व म्हसिकाया आन्दोलनय् याःगु योगदान लुमंकादिल । ब्रदर बुक्सं बजारय् हःगु सफुया मू ३२५ तका तयातःगु दु ।
0 Comments:
Post a Comment