गोरखाय् ला न्यायेगु, मीगु, नेय्गु वा पशुपन्छी लहीत तकं प्रतिबन्ध याःगु दु । सुनां नं लाः न्याना नःगु स्यूसा न्येय् द्व (५०,०००) तका जरिवाना यायेत्यंगु दु । गाेखराया चुमनुब्री गाउँपालिका–४ य् थज्यागु प्रतिबन्ध तःगु खः । वडाध्यक्ष पेमा डुन्डुप लामाया कथं ‘सुनानं काटमार याःगु घटनाबारे सुचं ब्यूसा १५ द्व तका सिरपा तकं बीगु जुइ । थ्व नियमबारे गाउँपालिका व प्रहरीयात तकं जानकारी बीधुंकल ।
वयेकया कथं जरिबानाबापत मुंगु ध्यबा अहिंसा अभियानय् खर्च यायेगु जुइ । ‘थःपिनिगु वडा दुने स्याना नयेगु कथं पशुपक्षी न्यायेमी मयायेत जलाखला वडायात तकं पत्राचार यानागु दु’, वयेकलं थप धयादिल, ‘झीगु वडादुने लाः नयेगु नितिं पशुपन्छी न्यायेमी जुइ हे मखु । थ्व नियमया गाउँपालिकान्यंक प्रशंसा जुगु दु ।’
चुमनुब्री–१ या सामागाउँ, २ या ल्हो, ४ या प्रोक, ५ या बिही, ६ या चुम्चेत व ७ या छेकम्पार गाँ न्हापानिसें हे काटमार निषेधित धयातःगु खः । तर, स्थानीय सरकारं हे प्रतिबन्ध तःगु थ्व न्हापांगु वडा खः ।
लिपांगु इलय् पर्यटकीय लागा जुगुलिं होटलय् पिनेया गाँया व्यवसायी वयाः सुलासुला काटमार याःगु व लाया व्यापार, व्यवसाय याःसेंलि नियम देकेमाःगु नाम्रुङया लाक्पाडुन्डुप लामां न्ह्यथनादिल । उगु गामय् छम्ह निम्ह इसाई बाहेक फुक्क बुद्ध धर्मावलम्बी खः ।
उगु लागायात हिंसामुक्त देकेत मनास्लु संरक्षण लागा आयोजनां तकं ग्वाहाली याःगु दु । आयोजनां न्हेगुलिं वडाय् सिकार निरुत्साहित यायेगु ज्याझ्व यानावयाच्वंगु आयोजना प्रमुख नरेन्द्र लामां न्ह्यथनादिल । वयेकया कथं अहिंसा अभियानयात राष्ट्रियस्तरय् हे प्रचारप्रसार यायेत ग्वाहाली यायेगु ज्याझ्वःत तकं दु ।
थाैंया अन्नपुर्ण पाेष्टय् थुकिया बुखँ पिहाँवःगु खः ।
0 Comments:
Post a Comment