हाकनं वल लिउने च्वनिपिंसं हेलमेट पुइमाःगु व्यवस्था


स्वनिगलय् निचाः सवारी साधन मोटरसाइकल व स्कुटरया लिउने च्वनिपिंसं हानं हेलमेट पुइमालिगु जुगु दु । थाैं महानगरीय ट्राफिक प्रहरी महाशाखां येँय् याःगु पत्रकार सम्मेलनय् थ्व नियम हाकनं न्ह्याकेत्यंगु न्ह्यथंगु खः ।
येँय् जुइगु निचाःया दुर्घटनायात दुवाला स्वः बलय् हेलमेट पूम्ह न्ह्याकामी स्वयाः लिउने च्वम्ह अप्व घाःपा जूगु व स्यूगु खनेदुगुलिं मोटरसाइकल व स्कुटर लिउने च्वनिपिंसं अनिवार्य हेलमेट पुइमाःगु व्यवस्था यायेत्यनागु महानगरीय ट्राफिक प्रहरी महाशाखा प्रमुख एसएसपी बसन्तकुमार पन्तं न्ह्यथनादिल । हेलमेट नं थथें अथेंया मखु आइएसवाे गुणस्तर प्रमाणित जुइमा ।
महाशाखां यातायात व्यवस्था ऐनय् संशोधन याना हेलमेट मपूसेंमगाःगु व्यवस्था यायेत यातायात व्यवस्था विभागय् इनाप याःगु दु । थ्व न्ह्यः २०६५ सालय् महाशाखां निचाः गःपिं, लिउने च्वंम्ह नापं, हेलमेट पुइहे माःगु व्यवस्था याःगु खः । ऐन मदय्कं निगु हेलमेटया नियम हःगु धका विरोध जूसेंलि महाशाखां नियम चीकुगु खः। 
अथेहे महाशाखां स्वनिगलय् सवारी चाप ब्यबस्थित यायेत मोबाइल एप छ्यलाबुलाय् हयेत्य‌गु दु । जिआइएस प्रविधिया आधारय् एपं स्वनिगःया ट्राफिक जाम, डाइभर्सन नापंया अतिकंमाःगु सुचं १५ मिनेट पतिकं बीगु न्ह्यथंगु दु।
अथेहे महाशाखां थीथी नियम हाचाँगाःपिं न्ह्याकामिं जरिवाना पुलेत बैंकय् लाइन च्वने म्वालीगु कथं इ पेमेन्टया व्यवस्था तकं यायेत्यंगु दु 
Share on Google Plus

News: Newa News

    छ्याता
    फेसबुक छ्याता