थौं सुथः सोलुखुम्बुया लुक्ला विमानस्थलय् समिट एयरया विमान दुर्घटनाय् घापा जूपिं निम्ह उपचारलिपा छें लिहाँवंगु दु । मनाङ एयरया ग्राउण्ड स्टाफ लाक्पा शेर्पा व समिट एयरया कोपाइलट रविन्द्रबहादुर रोकाए डिस्चार्ज जूगु खः । मनाङ एयरका वरिष्ठ पाइलट चेतबहादुर गुरुङ व समिट एयरया कर्मचारी स्याङबोचे कार्कीया धासा ग्राण्डीइ उपचार जुयाच्वंगु व इमिगु अवस्था खतरामुक्त जूगु अस्पतालं न्ह्यथंगु दु ।
दुर्घटनाय् विमान सहचालक शेरा ढुंगाना व प्रहरी सहायक निरीक्षकपिं रामबहादुर खड्का व रुद्रबहादुर श्रेष्ठया ज्यान वंगु खः । ढुंगाना व खड्का घटनास्थलय् मदुगु खः । श्रेष्ठया उद्धार याना उपचारया नितिं येंया ग्राण्डी अस्पताल हयेगु झ्वलय् मदुगु खः ।
थौं सुथः समिट एयरया ९ एन–ए एम एच विमान ब्वय्गु झ्वलय् मनाङ्ग एयरया हेलिकप्टर ९ एन–ए एल सीनाप ल्वाना दुर्घटना जूगु खः । विमान धावन मार्गं चुलुया हेलिकप्टरय् थ्यूगु खः ।
0 Comments:
Post a Comment