हेरिटेज राइड २०७६ यलया मंगलबजारय् यल महानगरपालिका मेयर चिरिबाबु महर्जनया मूपाहाँसुइ क्वचाःगु दु । थौं सुथः येंया बसन्तपुरया महाद्यः पार्वति देगलं न्ह्याःगु थुगु हेरिटेज राइडं हनुमानध्वाखा दरबार निसें स्वयम्भू तकया सम्पदा मार्ग जुया यात्रा सुरु यागु खः । वयांलिपा पशुपति, बौद्ध, चाँगुनारायण, ख्वप दरबार लागा, जुया यल दरबार लागाय् क्वचाय्कुगु खः ।
गैर सरकारी गैर नाफामूलक संस्था टूर डे लुम्बिनीया ग्वसालय् न्याक्वगु खुसिइ विश्व सम्पदा धलखय् सुचिकृत सम्पदा यात्रा कथं जुगु थुगु साइकल यात्रा थुगु सम्पदाया पौराणिक, ऐतिहासिक, पुरातात्विक नापंया सांस्कृतिक महत्वया बारे जनचेतना बीत ग्वसा ग्वःगु खः ।
नेपाल सरकार संस्कृति, पर्यटन तथा नागरिक उड्यान मन्त्रालय, पुरातत्व विभाग, पर्यटन बोर्ड, लुम्बिनी विकास कोष, युनेस्को काठमाडौं व नेपाल टेलिकमया ब्वति दुगु हेरिटेज राइड ज्याझ्वलय् युनेस्को काठमाडौंया प्रमुख क्रिस्चियन म्यानहार्ट नापं २०० स्वयां अप्वसिया ब्वति दुगु खः । सुथः मरु त्वा खल, सम्पदा संरक्षण समाज व पिंगननी मिसा पुचलं यें सगं बिया नापं मचा पासा धिमे पुचलं धिमे थाना लसकुस याःगु समाजसेवी दिल्ली रत्न तुलाधरं न्ह्यथनादिल ।
Fb LIVE Videos :
Posted by Tour De' Lumbini - Pedal for Peace on Friday, April 19, 2019
Mayor of Lalitpur Mr. Chiri Babu Maharjan at Closing ceremony
Posted by Tour De' Lumbini - Pedal for Peace on Saturday, April 20, 2019
Posted by Tour De' Lumbini - Pedal for Peace on Saturday, April 20, 2019
0 Comments:
Post a Comment