ख्वपय् बिस्का जात्रा न्ह्यानाच्वंगु दु । थ्व जात्रायात बिस्केट जात्रा कथं नं अप्रभंस जुयाच्वंगु दु । बिस्केट खःकि बिस्का धैगु न्ह्यसः न्ह्याम्हसिया मनय् जुइ फू । छु खः ले थ्व बिस्का जात्रा ?
न्हापा थन किराती शासन । लिच्छवीतय्सं न्हापानिसें शासन यानावयाच्वंपिं किरातीतय्त बुका सत्ता थःगु ल्हातय् लाकल । थ्व हे त्याःगु खुसियालिइ "विश्वकेटु जात्रा" न्ह्याकल । थ्व विश्वकेटु जात्रा अप्रभंस जुया विसिक्याट व वयांलिपा जक विस्का जूवंगुु खः । आ अपभ्रशं जुया हे विस्केट धका धयाहःगु सँस्कृतिविद ओम धौबडेलं न्ह्यथनादिल । । सञ्चारमाध्यमं विस्केट हे धका प्रचार प्रसार यात । नेपालमण्डलया राजधानी ख्वप जूगु इलय् राज्यं भव्यता नापं थुगु जात्रा न्याय्किगु जुयाच्वन । लिपा जक थ्व स्थानीय जात्रा कथं जूवन ।
विस्का जात्राया धार्मिक नापं सामाजिक महत्व दु । थ्व जात्रा लिच्छवी, मल्ल, शाह व राणा जुया आ गणतन्त्रया इलय् नं उलिहे हर्ष व उमंग नापं न्यायेकी । न्हापा जात्राय् जुजु हे उपस्थिति जुइमा । आ नं जुजुया प्रतिनिधि कथं जुजुया खड्ग खतय् तया जक जात्रा न्ह्याइ ।
ख्वपय् न्ह्यानाच्वंगु धार्मिक आख्यान वा किम्वदन्तीया आधारय् जात्रा न्ह्यानाच्वंगु दु । थ्व जात्राया सांस्कृतिक खँ नं दु । थनया आम जनसमुदायया उपस्थितियात जक स्वय्गु खःसां थ्व जात्रा हलिंया नमुना जात्रा धासां ज्यू । नेपाःया म्हसिका कथं थ्व जात्रायात काय्मा ।
ख्वपया योसिंख्यलय् ध्वाजानापंया ५५गु ल्हा ताःहाकगु योसिं ल्ह्वनि । स्वर्गया जुजु इन्द्र थःहे वया योसिं थनेगु ज्या न्ह्याकुगु विश्वास दु । इन्द्र यात हरि नं धाः । हरिं ल्ह्वंगु पत्ता जूगुलिं आः नं हलिमपत्त धका थ्व ध्वाजा प्रसिद्ध जू ।
0 Comments:
Post a Comment