जनबहाद्यःया जात्रा न्ह्यात

जनबहाद्यः यात आर्यावलोकितश्वर व तुयुम्ह मछिन्द्रनाथ कथं नालातःगु दु । करुणामयया जात्रा नकतिनि हे जक जमलं न्ह्याःगु दु । येंया जमलय् खः दय्कातःगु खःसा द्यःयात चिधंगु खतय् तयाः जनबहालं जमं तक बिज्याकुगु खः । खः जात्रा स्वय्त यें महानगरपालिका मेयर विद्यासुन्दर शाक्य तकं द्यः खः नापं चाह्यूगु खः । थुगु खः जमलं रत्नपार्क, भोटाहिति जुया असनय् थ्यंका याः न्यायेकि । थौं हे १० इलय् राष्ट्रपति विद्यादेवी भण्डारी वया द्यः या दर्शन यायेमागु चलन दु ।

थौं निसें थुगु जात्रा दशमी तक स्वन्हू न्ह्याइ । कन्हे ५ ता इलय् जात्रा न्ह्याइ सा द्यः खः असनं वंघः, मखं जुया हनुमानध्वाखा थ्यंका याः न्यायेकी । अथेहे कंस बैशाख २ गते हनुमानध्वाखां द्यः साला चिकंमू, जैशीदेगः जुगू लगमय् यंका याः न्यायेकी । अथेहे बैशाख ३ गते जनबहाःद्यःया मां कथं मासिमा स्वचा चाहीका द्यः जात्रा क्वचाय्कीसा वयां लिपा दशमी तक लगमय् द्यः दर्शनया नितिं तयातइ । दशमी कुन्हु चिधंगु खतय् तयाः द्यःयात जनबहालय् बिज्याका जात्रा क्वचाय्की ।