कक्षा १२ या वार्षिक परीक्षा थौं निसें


कक्षा १२ या वार्षिक परीक्षा थौं निसें न्ह्यात । न्हापांगु दिं थौं अंग्रेजी विषयया परीक्षा जुगु दु ।

परीक्षाया नितिं प्यंगु लख २८ द्व ५२ म्ह परीक्षार्थीं फाराम ब्यूगु राष्ट्रिय परीक्षा बोर्डं न्ह्यथंगु दु । दकलय् म्हो मनाङय् ५९ म्ह व दकलय् अप्व यें ६२ द्व ५ स ८८ म्ह परीक्षार्थीं फाराम ब्यूगु खः ।

देन्यंकं सछि व न्ह्ययेगु परीक्षा केन्द्र दुगु बोर्डं न्ह्यथंगु दु । परीक्षाय् १३ द्व २ स ८४ म्ह सुरक्षाकर्मी परिचालन जुगु दु । परीक्षाया नियम उल्लंघन याइपिंत खुला कुनिगु व छगु लख तका तक जरिवाना पुइकेगु बोर्डं न्ह्यथंगु दु ।

१२ कक्षाया परीक्षा वैशाख २९ गतेतक न्ह्याइसा ११ कक्षाया बार्षिक परीक्षा वैशाख २९ गतेनिसें न्ह्याइ ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment