८८ दँ थ्यंपिं ज्येष्ठ नागरिकपिंत मेयरया सम्मान


ज्या याइपिंत ज्या यायां फुर्सद मदु, ज्या मयाइपिंत अःपु, ज्या मजू धका हाला जक जुइ । ज्या याइपिनि नय् त्वने छखे लाका ज्या यानागु तर अझ नं यक्व ज्या याय्ल्यं दुगु यें महानगरपालिका मेयर विद्यासुन्दर शाक्यं कनादिल । ज्या धमाधम जुयाच्वंगु व महानगरया बजेट देकेगु ज्या नं जुयाच्वंगुलिं थःथःगु थासय् याय्मागु ज्या या बारे सुझाव बीत सकलसित इनाप यानादिल।


ताहाननि दापा खलः, ताहाननि मिसा पुचः व ताहाननि यूवा पुचःया मंका ग्वसालय् जूगु निक्वगु ज्येष्ठ नागरिक विशेष सम्मान ज्याझ्वलय् २४ वडाया ८८ दँ थ्यंपिं ज्येष्ठ नागरिकपिंत सम्मान याःगु खः ।

ज्याझ्वलय् दापा खलःया नायः दिनेशमान डंगोलं ज्येष्ठ नागरिकयात दोसल्ला न्ययेकादिलसा यूवा पुचःया न्वकु मचाराजा महर्जनं स्वाँमा तयादीगु खः । मेयर शाक्यं मतिनाया चिं बियादिल ।


ज्याझ्वलय् उपमेयर हरिप्रभा खड्गी श्रेष्ठ, सांसदपिं जीवनराम श्रेष्ठ, रामबीर मानन्धर व प्रदेश ३ या सांसद राजेश शाक्यं नुगः खँ तयादिगु खः ।

photo: Neela Bhaju fb

Share on Google Plus

News: Newa News

    छ्याता
    फेसबुक छ्याता