हलिं नेवाः गुथिया झिक्वःगु तःमुज्या शनिबाः


थ्वहे चैतया २ गते शनिबाः हलिं नेवाः गुथिया झिक्वःगु तःमुज्या जुइत्यंगु दु । गुथिया ल्होखा कचाया ग्वसालय् येँया ल्होखाय् तःमुज्या जुइत्यंगु खः ।

दँय्दसँ तःमुज्या यानावयाच्वंगु व निदँय् न्हू नेतृत्व ल्यय्ज्या जुइकथं थुगुसिया तःमुज्याय् न्हूगु नेतृत्व ल्यइगु गुथिया वर्तमान नायः शान्त प्रकाश श्रेष्ठं न्ह्यथनादिल ।

उगु दँमुज्याया नितिं तयारी थ्यंमथ्यं पुवंगु कचाया केन्द्रिय दुजः नापं वर्तमान केन्द्रिय न्वकु जुजुमान श्रेष्ठं न्ह्यथनादिल । सुथः ८ ता इलं निसें बन्द सत्र न्ह्याइगु जुगु दु ।

थुगु वन्द सत्रय् वार्षिक प्रतिवेदन, आर्थिक प्रतिवेदन न्ह्यब्वय्गु नापं न्हूगु नेतृत्व ल्यय्ज्या जुइगु नायः श्रेष्ठं न्ह्यथनादिल । वयांलिपा ¥यालि पिकया ल्होखा गाँ चाहिला अनया ससुमाद्यःथाय् द्यः पुजा याइगु न्वकु श्रेष्ठं न्ह्यथनादिल । वयां लिपा औपचारिक दबु ज्याझ्वः जुइगु व उगु ज्याझ्वलय् न्हूगु नेतृत्वयात हनेत्यंगु दु ।

ज्याझ्वलय् गुथिया लुमन्ति पौ पितब्वय्त्यंगु दुसा गुथिया अनलाइन www.halinguthi.com सार्वजनिक यायेत्यंगु दु । हलिं नेवाः गुथिया ६९गु कचा दुसा ज्याझ्वलय् ७०० दुजःपिनिगु ब्वति दइगु अनुमान यानातःगु दु ।
Share on Google Plus

News: Newa News

    छ्याता
    फेसबुक छ्याता