संस्कृति मन्त्री रवीन्द्र अधिकारी हेलिकप्टर दुर्घटनाय् मन्त


संस्कृति, पर्यटन तथा नागरिक उद्दययनमन्त्री रवीन्द्र अधिकारी हेलिकप्टर दुर्घटनाय् मन्त । ताप्लेजुङया फुङ्लिङ नगरपालिका १० या तारेढुंगाया भीरय् न्याना हेलिकप्टर दुर्घटना जुगु खः । हेलिकोप्टरय् मन्त्री अधिकारी नापं खुम्ह सवार जुगु खः ।

जिल्ला प्रहरी ज्याकू ताप्लेजुङया कथं ताप्लेजुङया फुङलिङ नगरपालिका वडा नम्बर १० या फुरुम्बुया सिस्नेखोलाया तारेढुंगा भिरय् हेलिकोप्टर न्याना मि च्यागु खः । स्थानीयया कथं खुम्हसिया सिम्ह क्षतविक्षत अवस्थाय् लुगु खः । दुर्घटनाया कारण सीमदुनि ।

हेलिकप्टरय पाइलट प्रभाकर केसीं ब्वेकुगु एयर डाइनास्टीया उगु हेलिकप्टरय मन्त्री अधिकारीनापं प्रधानमन्त्री कार्यालयया उपसचिव युवराज दाहाल, यति एयरलाइन्स व एयर हेलिकप्टर कम्पनी एयर डाइनेष्टीया मालिक आङछिरिङ शेर्पा, नागरिक उड्ययन प्राधिकरणया उप महानिर्देशक वीरेन्द्रकुमार श्रेष्ठ, प्राधिकरणया वीरेन्द्र व मन्त्री अधिकारीया सुरक्षा गार्ड अर्जुन घिमिरे दुगु ख: ।


Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment