राजोपाध्याय समाजया न्याक्वःगु दँ मुँज्या, सुशील राजोपाध्याययात हन


यल महानगरपालिकाया मेयर चिरीबाबु महर्जनं नेवाःतय्गु संस्कृति सम्पदा नापं थीथी ख्यः थकायेगु नितिं राजोपाध्याय समाजया तःधंगु भूमिका दुगु न्ह्यथना दिल । महानगरपालिकां संस्कृति सम्पदा अध्ययन अनुसन्धानया नितिं बजेट तयातःगुलिं अध्ययन अनुसन्धान यानाः न्ह्याःवनेत राजोपाध्याय समाजयात आह्वान यानादीगु दु ।

राजोपाध्याय समाजया न्याक्वःगु दँ मुँज्याया नितिं मूपाहाँ कथं वंगु शनिवाः मेयर महर्जन झाःगु खः । यलया ज्यावलाख्यलय् च्वंगु तकःद्यः उग्रचण्डीइ राजोपाध्याय समाजया नायः बरिष्ठ संगीतकःमि अमरराज शर्मा राजोपाध्यायया नायःसुइ ज्याझ्वः तःजिक क्वचागु खः । ज्याझ्वलय् समाजया मूछ्याञ्जे विराजकाजी राजोपाध्यायं
वार्षिक प्रतिवेदन न्ह्यब्वःगु खःसा आर्थिक प्रतिवेदन दाँभरी जयन्ती राजोपाध्यायं न्ह्यब्वःगु खः । उगु दँ मुज्याय् २०७४ सालय् एसईई ताःलाःपिं ब्वनामिपिन्त हंगु खः ।

अथेहे समाजया दुजः सुशील राजोपाध्याययात कलाकारिता ख्यः नापं साहित्य ख्यलय् यानादीगु योगदानया कदर यासें मूपाहाँ मेयर महर्जनपाखें दोसल्लां न्ययेकाः हनापौ नापं हंगु खः । दँ मुँज्याय् पाहाँ कथं ज्यापु समाजया न्वकू, ताम्राकार समाजया नायः, राजकर्णिकार समाजया नायःलिसें राजोपाध्याय समाजया निवर्तमान नायः वदन शर्मा राजोपाध्यायपिन्सं थःथःगु नुगःखँ तःगु खः ।
Share on Google Plus

News: Newa News

    छ्याता
    फेसबुक छ्याता

0 comments:

Post a Comment