नेपाल स्टक एक्सचेञ्जया कथं न्यायेमिये मापक नेप्से परिसूचक १३ दशमलव ९७ बिन्दुं अप्वया द्वछि व २०७ दशमलव ३१ बिन्दुइ थ्यंगु दु । अथेहे ‘क’ वर्गया कम्पनीया शेयर न्यायेमिये मापन यायेगु सेन्सेटिभ परिसूचक तकं ३ दशमलव ३१ बिन्दुं अप्वया २५६ दशमलव ८७ बिन्दुइ थ्यंगु दु ।
नेप्से परिसूचक उल्लेख्य मात्राय् अप्वसां न्यायेमिये ध्यबाय् धासा धाःथें वृद्धि जुइ मफुत । मुक्कं १५० कम्पनीया १७ करोड ४१ लख ५५ द्व ३९० मूलय् न्यायेमिये जुगु खः । न्यायेमिये जुगु गुंगु उपपुचःमध्ये थौं वित्त उपपुचःया जक शेयर क्वाहाँवंगु दु । उगु उपपुचः शून्य दशमलव २५ बिन्दुं क्वाहाँवंगु खः । अथेहे बैंकिङ १४ दशमलब ६९, होटल ३६ दशमलव ५७, विकास बैंक १२ दशमलव ५९, जलविद्युत् शून्य दशमलव २८, निर्जीवन बीमा ७५ दशमलव १४, अन्य ६ दशमलव ५६, माइक्रोफाइनान्स १० दशमलव ५८ व जीवन बीमा ७७ दशमलव शून्य ९ बिन्दुं अप्वगु दु ।
अप्वगु बजारय् उन्नति माइक्रोफाइनान्स, आरम्भ माइक्रोफाइनान्स वित्तीय संस्था, सप्तकोशी विकास बैंकया शेयरधनीं अप्वय्कुगु दुसा एनएमबी माइक्रोफाइनान्स वित्तीय संस्था, हिमालयन पावर पार्टनर, एभरेष्ट इन्स्यारेन्स कम्पनीका शेयरनीं तंकुगु दु।
0 Comments:
Post a Comment