छठ क्वचाल


सुद्यःयात अर्घ बी नापं बुधबाः निसें छठ पर्व क्वचाल । मिथिला लागाय् धुमधाम व आस्था–निष्ठा नापं न्यायेकीगु छठ पर्व अा नेपाःया फुक्क थासय् न्यायेकाच्वंगु दु  । देया मु खुसि व जलायस छठया रौनक खनेदु । चितवनया नारायणगढय् नारायणी खुसि सिथय्, माडी, पदमपुर, रत्ननगर, खैरहनीय् छठ पुजा न्यायेकल । प्यन्हु ताहाःगु छठ पर्व थाैं क्वचाःगु खः । स्वनिगःया गुह्येश्वरी, कमलपोखरी, गहनापोखरी, शङ्खमूल, थापाथली, वाग्मती, विष्णुमती व नख्खु खुसि सिथय् नं छठीघाट निर्माण याना सुर्द्यया आराधना व उपासना यायेत भक्तजन मुंगु खः ।

तराई व पहाडया मनुतय् दथुइ सामाजिक सद्भाव अप्वयेकेगु पर्व कथं छठ स्थापित जुगु दु ।
थाैं सुथः छठ क्वचाय् नापं खुसि सिथय् सफाइ अभियान न्ह्याइगु वाग्मती सुन्दरता सरोकार मञ्चया नायः उत्तम पुडासैनीं न्ह्यथनादिल ।

अथेहे पोखराया फेवातालया केदारेश्वर मन्दिरया लागा व सेती गण्डकी व कालीखोलाया सिथय् दुगु रिट्ठाघाटय् ब्रतालुतयेसं विधिपूर्वक छठ पुजन क्वचाय्कुगु दु । मधेशी समुदायलय् जक सीमित जुगु थुगु पर्व छुं दँ निसें पहाडी समुदायलय् नं प्रभाव विस्तार याःगु खनेदु ।

बुटवल व जनकपुरधाम नापं देया दक्व थासय् छठ क्वचाःगु दु ।
Share on Google Plus

News: Newa News

    छ्याता
    फेसबुक छ्याता

0 comments:

Post a Comment