नेपालय् जनसंख्याया १० प्रतिशत मनुतय्त मधुमेह वा चिनिल्वय् जुगु अनुमान यानातःगु दु । थुगु दँ हलिं चिनिल्वय् दिवसया नारा ‘मधुमेह : हरेक छेंजःया सरोकार’ तयातःगु दु । दँय्दसं नोभेम्बर १४ यात चिनिल्वय् दिवसका कथं न्यायेकाच्वंगु दु ।
विश्व स्वास्थ्य संगठनया कथं हलिमय् १७ करोड १० लाख मनुयात चिनिल्वय् दु । चिनिल्वय् वंशाणुगत जुगुलि मांबाैयात दःसा मस्तय्त नं दइ ।
खानपानया लकस, जङ्कफुड नय्गु बानि, शहरी जीवन, ल्ह्वनीगु आदि चिनिल्वय्या कारक खः । नियमित व्यायाम, सन्तुलित भोजन, ल्वय्या तत्काल नियन्त्रण यानावनेमा । बिचा मयाःसा थुकिं मिर्गौला ‘फेल’, नुगःचुया ल्वय्, पक्षघात, मिखा कां जुइगु, अल्सर थें जाःगु ल्वय् जुइफु ।
अन्तर्राष्ट्रिय चिनिल्वय् संघया कथं हलिंन्यंकं ४२ करोड ५० लख मनुतय्के चिनिल्वय् दुसा ३५ करोड २० लख मनुतय्त चिनिल्वय् जुइफु ।
मधुमेहया लक्षण
– यक्व लः त्वने यइगु, म्हुतु सुख्खा जुइगु, त्यानुइगु, छिनछिनय् च्व वइगु, तौल म्हाे जुइगु
– च्व फानागु थासय् इमु मुनिगु
– यक्व नय्पित्याइगु नापं लः प्याः चाइगु
– विना कारण तौल म्हाे जुइगु वा त्यानुइगु
– घाः याकनं मलनीगु वा सङ्क्रमण याकनं जुइगु
– ल्हातुति झमझम जुइगु, पालितः पोलेजुइगु व म्ह चासुइगु
– दीर्घकालिन अवस्थाय् मिर्गौला, मिखा, नसा, नुग, रक्तनलिइ असर लाइगु
0 Comments:
Post a Comment