बञ्जा याःगु लूसा सामान जफत याना लिलाम यायेगु निर्णय जुगु प्रवक्ता ज्ञानेन्द्र कार्कीं न्ह्यथनादिल । फुटपाथ न्यासि वनेगु नितिं जूगु व व्यापार व्यवसायया नितिं मखुगुलिं चीकेगु ज्या जुगु वयेकलं न्ह्यथनादिल । बहनी ६ बजेनिसें १० बजेतक जुइगु फुटपाथ व्यापार पनेत नगर प्रहरी सञ्चालन यायेगु महानगरं न्ह्यथंगु दु ।
महानगरं आःतक फुटपाथय् व्यापार याइपिनि सामान जफत याना जरिवाना यायेगु व्यवस्था याःसां थौंनिसें सामान हे लिलामी यायेत्यंगु खः । फुटपाथये व्यापार याइपिंत कारवाही कथं न्हापा द्वछि निसें न्याद्व जरिवाना पुइकाच्वंगु दु ।
महानगर दुने कलंकी, रत्नपार्क, न्यूरोड, बालाजु, कालीमाटी, कोटेश्वर, बानेश्वर, गौशाला नापंया लागाय् फुटपाथय् व्यापार यानावयाच्वंगु दु ।
0 Comments:
Post a Comment