मरुसतः काष्ठमण्डप पुननिर्माण यायेत समिति गठन


बैशाख १८ गते मंगलबार मरुसतः काष्ठमण्डप पुननिर्माण यायेत प्रदेश नं ३ या सांसद राजेश शाक्यया अध्यक्षताय काष्ठमण्डप (मरुसतः) पुनर्निर्माण समिति गठन जुगु दु । वि.सं. २०७२ साल वैशाख १२ गतेया तः भूखाचँ पूर्ण रुपं नष्ट जुगु ऐतिहासिक सम्पदा मरु सतः यात जनस्तरं हाकनं दयकेज्याः याये माःगु सः न्हापां निसें वयाच्वंगु खः । यें महानगरपालिकाया नेतृत्वय् वडा नं १९, २०, २३ व २४या वडा अध्यक्षपिं, सम्पदा संरक्षण ख्यलय् सक्रिय स्थानिय समाजसेवी, लब्ध प्रतिस्ठित व प्रबुद्ध ४१ म्ह दुजःपीं दुथ्याकुगु दु ।


यें महानगरपालिका मेयर विद्यासुन्दर शाक्यया निर्देशनय् दयेकुगु समितिया अध्यक्षता माननिय राजेश शाक्य यानादिगु दु । दुजःकथं बाल कृष्ण महर्जन, डिल्ली रत्न तुलाधर, तेज रत्न ताम्राकार, बैकुण्ठ मानन्धर, ज्योति शाक्य, डा. चुन्दा बज्राचार्य, किरण श्रेष्ठ, प्रबिण बहादुर प्रधान, रसेल श्रेष्ठ, किरण मान चित्रकार, बिजय कृष्ण श्रेष्ठ, बसन्त श्रेष्ठ, अनिल तुलाधर, राजेन्द्र मान बज्राचार्य, रत्नाकर बज्राचार्य, सुरज श्रेष्ठ, राजिब महर्जन, कबि मानन्धर, गौतम डंगोल, बिष्णु लाल श्रेष्ठ, राजु महर्जन, मंगला कारंजित, सुमना श्रेष्ठ, रमेस मान पिया, बिभोर लाल श्रेष्ठ, रजिन स्थापित, सुमन श्रेष्ठ, शैलेस राजभण्डारी, उमेश स्थापित, कुमार रँजित, हिमेश बज्राचार्य, सुरेश किरण मानन्धर, रबिन सायमी, शैलेस शाक्य, असोक रत्न बज्राचार्य, भगवती जोशी, बिजय गोपाल श्रेष्ठ, हितकर ताम्राकार, बिष्णु लाल श्रेष्ठ व एका राम सिंयात दुथ्याकुगु दु । समितिं पुर्णता काय् साथ मरुसतः दय्केज्या न्ह्याइगु सांसद शाक्यं न्ह्यथनादिगु दु ।

किपा : बालकृष्ण महर्जन 
Share on Google Plus

News: Tuladhar Bigen

    छ्याता
    फेसबुक छ्याता

0 comments:

Post a Comment