चित्रकला कार्यशाला क्वचाल

विश्व सम्पदा हनुमानध्वाका दरबार क्षेत्र निसें विश्व सम्पदा स्वयम्भू तकया सम्पदा पदमार्ग यात्रा ज्याझ्वया झ्वलय् थौं बैशाख ७ गते शुक्रबाया दिं चित्रकला कार्यशाला क्वचाःगु दु । वरिष्ठ कलाकार चिनीकाजी ताम्राकारया सभापतित्वय् हनुमानध्वाखाया महाद्यः पार्वती दबलिइ सांसद जीवनराम श्रेष्ठ व सांसद रामवीर मानन्धरं क्यानभासय किपा च्वया चित्रकला कार्यशालाया उलेज्या यानादिल । विश्व सम्पदा उत्सव मूल समारोह समितिया छ्याञ्जे दिल्लीरत्न तुलाधरं लसकुस याःगु खः । उलेज्या ज्याझ्वलय् सांसदद्वव श्रेष्ठ व मानन्धरं विश्व सम्पदा पदयात्रा नेपाःया नितिं एतिहासिक जुइगु व थज्यागु थीथी थाय् म्हसिकेमाःगु न्ह्यथनादिल । पाहाँकथं झाम्ह वरिष्ठ कलाकार केके कर्माचायं सम्पदा मार्गय् थीथी कलाकृतित दइगु व कलाकारं जीवन्त किपा न्ह्यब्वगु न्ह्यथनादिल । कार्यशाला प्राज्ञ सुष्मा राजभण्डारीया संयोजनय् क्वचाःगु खः । १६ दँ निसें ८८ दँ तकया १५० म्ह चित्रकारतय्सं थुगु कार्यशालाय् ब्वति काःगु खः । थौं च्वःगु किपात बैशाख ८ गते भुइख्यलय् प्रदर्शनी जुइत्यंगु दु ।


बैशाख ८ गते मूल समारोह नं जुइत्यंगु दु । न्हिनय् १ः३० बजे हनुमानध्वाखा दरबार लागाय् सँस्कृति पर्यटन तथा नागरिक उद्दयन मन्त्री रविन्द्र अधिकारीं सम्पदा पदयात्राया उलेज्या याइगु व पदयात्रा स्वयम्भूया भुइख्यलय् सभाय् परिनत जुइगु सल्लाहकार समितिया अध्यक्ष माननीय सांसद जीवनराम श्रेष्ठं न्ह्यथनादिल । मूल समारोह ज्याझ्वःयात प्रधानमन्त्री केपी ओलीं सम्बोधन याय्त्यंगु दु ।

युनेस्को विश्व सम्पदा हनुमानध्वाखा निसें मेगु विश्व सम्पदा स्वयम्भूतकया २.२ किमि दुरीया पदमार्ग स्थापनाया नितिं येँ महानगरपालिकाया मेयर विद्यासुन्दर शाक्यया संयोेजनय् मूल समारोह समिति गठन जुगु खः ।









Share on Google Plus

News: Newa News

    छ्याता
    फेसबुक छ्याता

0 comments:

Post a Comment