विश्व सम्पदा साइक्लिङ्ग क्वचाल


विश्व सम्पदा साइक्लिङ्ग प्रदेश नं ३ का भौतिक पुर्वाधार मन्त्री केशव स्थापितया मू पाहाँसुइ थौं सुथ ७ः३० बजे महाद्यः पार्वती दबुलिं न्ह्यात । युनेस्को विश्व सम्पदा हनुमानध्वाखा दरबार क्षेत्र निसें युनेस्को विश्व सम्पदा स्वयम्भू चैत्यतक निर्धारण यायेत्यंगु विश्व सम्पदा पदमार्गया जनचेतना बीत हनुमानध्वाखा दरबार क्षेत्र निसें स्वयम्भू तक साइक्लिङ्ग जुगु खः । नापं पदमार्गय् थीथी कासाया ग्वसा ग्वयाच्वंगु विश्व सम्पदा पदमार्ग परिकल्पनाकार सांसद जीवनराम श्रेष्ठं न्ह्यथनादिल । कासा संयोजक शंकर महर्जनया कथं साइकल र्यालि, चेस, कबड्डी, ध्वाइँकासा, स्केटबोर्ड, डब्लु डब्लु वाइ (एकिडो) आदि कासा म्हितकाच्वंगु दु ।

विश्व सम्पदा पदमार्ग उत्सव सप्ताहया लसताय बैशाख २ गते सरसफाइ जुगु खःसा बैशाख ३ गते ब्वनामि सम्पदा यात्रा जुगु खः । थौंया साइकल र्यालि लक्ष्मी साइकल सेन्टरको ग्वाहालिइ जुगु खः । अथेहे ५ गते फोटो वाक, ६ गते हुलाक टिकट प्रदर्शनी, ७ गते आर्ट वर्कशप व ८ गते हेरिटेज वाक नापं मू ज्याझ्वः जुइत्यंगु दु गुकिया उलेज्या सँस्कृति, पर्यटन तथा नागरिक उद्दयन मन्त्री रविन्द्र अधिकारीं व समापन प्रधानमन्त्री केपी शर्मा ओलीं यायेत्यंगु दु ।

Share on Google Plus

News: Newa News

    छ्याता
    फेसबुक छ्याता