म्ये हालामि गंगा देवी महर्जनया धाथें जित यःगु खःसा बोलया न्हापांगु याकः म्ये पिहाँवःगु दु । मंगलबार उगु म्येया म्यूजिक भिडियो युट्युबय् पितब्वःगु खः । लोककवि राजभाइ जकमीं च्वयादिगु म्येयात राजु सिंहं संगीत तयादिगु खःसा जुगल डंगोलं एरेन्ज यानादिगु खः ।
कृष्ण प्रजापति, सम्झना ठुसा व म्येहालामि महर्जन थःहे प्याखँम्व दुगु म्येया म्युजिक भिडियोयात सुरज महर्जनं निर्देशन यानादिगु दुसा बिस्कं पहलं जात्रा पर्वयात बः बिया छायांकन यानातःगु दु ।
म्ये हालामि महर्जनं थ्व स्वया न्ह्यः त्योछिंत्यो, छ दने जि नं दने जुरुक्क झी फुक्क दने, नापं न्यापु पुचः म्येय् थःगु सः बी धुंकुगु दु । अथेहे जय जय श्री संकटा भगवान बोलया भजन म्ये नं याकः सलय् पिहाँवय्त्यंगु म्ये हालामिं न्ह्यथनादिल । वय्क श्री संकटा राजकृत भजन खलकय् नं आबद्ध जुयादि ।
म्युजिक भिडिओ :
0 Comments:
Post a Comment