‘बसन्त ऋतु’ या भिं मुहर्त


‘गुम्हस्याँ बसन्त ऋतुया चरित्र याय्गु कुतः याइ व मनु गबलें सुथां लाइ मखु । छंगु इहिपा छाय् जुइ मफुत सबनम नाप लिसः न्य । व छिमि केहेँ खः । बसन्त जित क्षमा यानादिसँ । साक्षात भगवानयात जिं म्हसिके मफुत । सुभद्रा थुकि छंगु गल्ति मदु । थ्व फुक्क समयया खेल खः ।’ ‘बसन्त ऋतु’ संकिपाया कलाकारपिं किशोर चिपालुं बसन्त, अनु महर्जनं ऋतु, शोभा महर्जनं सुभद्रा, सुरेश महर्जनं समय व सोनिका हेकां सबनमया भुमिकाय न्हापांगु शत अभिनय याना भिंसाइत ज्याझ्वः याःगु दु ।


धुँदेय् प्रोडक्सनया न्हापांगु संकिपा ‘बसन्त ऋतु’ या भिंसाइत ज्याझ्वलय् मूपाहाँ कथं किपू नगरपालिकाया मेयर रमेश महर्जन झायादिगु खःसा सभानायः प्रोडक्सनया नायः राम कृष्ण धिनाजु जुयादिगु खः । ज्याझ्वलय् पाहाँ कथं संकिपा बञ्जाःमि गोपालकाजी कायस्थ, किपू वडा ल्याः १० या वडाध्यक्ष अमन महर्जन, संकिपा नायः जय महर्जन श्रेष्ठ, काष्ठमण्डप टेलिभिजनया सिइओ नविन जोशी, नेपालमण्डल टेलिभिजनया कार्यक्रम प्रमुख जितेन्द्र महर्जन, नेवाः पत्रकार राष्ट्रिय दबूया नायः श्रीकृष्ण महर्जन नापं बरिष्ठ संकिपा पत्रकार विजयरत्न असंबरे झायादीगु खः ।


थः नं पुलाम्ह नाटकम्व जुयागु न्ह्यथंसें मेयर महर्जनं संकिपापाखें सामाजिक चेतना, राजनितिक जागरण, परिवर्तनया खँ ल्हाय्मा, अधिकारया खँ ल्हाय्मा व सकारात्मक दंगं प्रस्तुत याय्मा धका न्ह्यथनादिल । किपु नगरपालिकापाखें सकिंपाया लागि बजेत मदुगु न्ह्यथनदिल । लिपा संकिपाया नितिं नगरपालिकां गुकथं सहकार्य याय्मा व याय्त तत्पर जुयागु खँ न्ह्यथनादिल ।


मेयर महर्जनं नैंक्या तछ्याना, जितेन्द्र महर्जनं क्यामेरा स्वीच अन, नविन जोशीं क्याप व निर्देशक नापं च्वमि पवन जोशीं एक्सन धया भिं मुहुर्त याःगु ज्याझ्वलय् संकिपाया ल्यं कलाकारपिं राजेन्द्र महर्जन, कृष्ण महर्जन, लक्ष्मीकुमार महर्जन, लक्ष्मीकमल शाही, सुशील श्रेष्ठ, सकुन्तला महर्जन, रोजी श्रेष्ठपिन्त खादाँ क्वखाय्कुगु खःसा संकिपाय् राजेश शाक्यया छायांकन, गुज्ये मालाकारया संगीतलिसें रामभक्त महर्जन रमझम व चन्देश्वर महर्जनया म्ये रचना दुथ्याइगु जानकारी ब्यूगु खः ।


‘बसन्त ऋतु’या निर्देशक व च्वमि पवन जोशीं ‘बसन्त ऋतु’ संकिपां झीगु समाजय् ब्वलनाच्वंगु बिकृतियात चित्रण याँइगु न्ह्यथनादिल । थुगु संकिपा मनोरञ्जनया नितिं जक मखुसे सामाजिक रुपान्तरणया देकेगु नं न्ह्यथनादिल ।
ज्याझ्वःयात प्रोडक्सनया छ्याञ्जे रविन्द्र महर्जनं लसकुस यानादिगु खःसा नायः धिनाजुं सुभाय् न्वचु बियादिगु खः ।

ज्याझ्वः संकिपा नकिं मय्जु हिसिला महर्जनं न्ह्याकादीगु खः ।

किपा :
















































Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment