पेजथ्री पिपल्स च्वइस अवार्ड ११३७या नामांकन जुइगु


पेजथ्री पिपल्स च्वइस अवार्ड ११३७या नामांकन थ्व हे वइगु ञलाथ्व दशमी (भाद्र १६)खुन्हु नेपाः व्यांक्वेटय् जुइत्यंगु दु ।  नेपालभासाया मनोरंजन ख्यःया नेवाः संकिपा, नेवाः म्युजीक भिडियो व नेवाः संगीत ख्यःयात दुथ्याकाः थुगु अवार्ड लः ल्हाइगु खः ।

थ्व पेजथ्री अवार्डया स्वक्वःगु संस्करण कथं जुइत्यंगु खः । थ्व सिबें न्हापा नेसं ११३० व नेसं ११३३य् पेजथ्री अवार्ड जुइधुंकुगु दु । नामांकन ज्याझ्वलय् लाइफ टाइम एचिभमेन्ट अवार्डया नं धोषणा जुइगु खँ अवार्डया संयोजक दर्शनवीर शाक्यं धयादीगु दु । अथे हे थुगुसीया नामांकनय् छुं छुं प्राविधिक खँय् हिलाबुला यायेमाःगु वाध्यता लिसें अवसर नं वःगु खँ धयादिल।

पेजथ्री अवार्डया धोषणा जेठ २७य् जुगु खःसा असार १० तक्क नां दुथ्याकुगु खः । आ भाद्र १६ गते नामांकन ज्याझ्वः यायेत्यंगु खः । पेजथ्री अवार्डया मू ज्याझ्वःया मिति नं नामांकनया दिनय् धोषणा जुइगु खँ अवार्ड संयोजक दर्शनवीर शाक्यं धयादीगु दु ।
Share on Google Plus

News: Newa News

    छ्याता
    फेसबुक छ्याता

0 comments:

Post a Comment