नेपाली नागरिकयात जलविद्युत् आयोजनाय् लगानी याकेबीगु


येँ, ११३७ कछलागा  सप्तमी , २०७३ मंसिर ६ 

सरकारं नेपाली नागरिकयात जलविद्युत् आयोजनाय् लगानी याकेबीगु व्यवस्था यायेवं विधिवत रुपं जलविद्युत् उत्पादन कम्पनी पलिस्था यागु दु ।

‘नेपालया लः जनताया लगानी’ धइगु नारा नापं ऊर्जा मन्त्री जनार्दन शर्मां सार्वजनिक यागु ३७गु धलःया कार्ययोजनाया आधारय् ऊर्जा मन्त्रालयं आइतबार कम्पनी रजिष्टारया ज्याकूथिइ उगु कम्पनी दर्ता यागु खः ।
कम्पनी दर्ता जुयालिं नेपामि जनतायात थःगु क्षमताकथं यःगु जलविद्युत् आयोजनाय् लगानीया नितिं लँपु चाःगु दु ।
ऊर्जा मन्त्रालयया सहायक प्रवक्ता गोकर्णराज पन्थं नं जनतायात सक्रिय रुपं जलविद्युत् आयोजनाय् लगानी यायेगु अःपुकेत कम्पनी पलिस्था याःगु न्हयथना दिल ।

निजी लागाया ग्वसाले सामान्य रुपं साधारण सेयर चायेकुसां लगानी याये न्ह्यच्युपिं नेपामी नागरिकयात कम्पनी पलिस्थां खुसी याइगु व आन्तरिक लगानी जलविद्युतय् मुनिगु मन्त्रालयया विश्वास दु ।

जलविद्युत् उत्पादन कम्पनीइ नेपामी नागरिकं २७गु प्रतिशततक लगानी यायेदइ । आयोजना प्रभावित लागाया नागरिकं १०गु प्रतिशत लगानी याये दइ । कम्पनीया अधिकृत पुँजी २०गु अर्ब व चुक्ता पुँजी निगु अर्ब दु ।

Share on Google Plus

News: Newa News

    छ्याता
    फेसबुक छ्याता