येँ, ११३७ कछलागा सप्तमी , २०७३ मंसिर ६
मंका अनुगमन पुचलं मोरङय् स्वंगु दर्जन वासः पस नापं थीथी चिकित्सकया क्लिनिकय् शिलबन्दी यागु दु ।
उसाँय् मन्त्रालयं देकुगु मंका अनुगमन पुचलं उजं मकासे चायेकुगु वासः पसः, चिकित्सकया क्लिनिक, पोलिक्लिनिक, डाइगोनेस्टिक सेन्टर व नर्सिङहोमय् तालाबन्दी याःगु जिल्ला जनस्वास्थ्य ज्याकू, मोरङया प्रमुख चन्द्रदेव मेहतां न्हयथना दिल ।
थ्वहे मङ्सिर १ निसें ५ गते तक विराटनगर, रङ्गेली, टङ्कीसिनुवारी, उर्लाबारी याना ८५ गु पसलय् अनुगमन याना उजं मकाःसे व नवीकरण मयाःगु वासः पसः व क्लिनिकय् तालाबन्दी याःगु वयेकलं न्हयथनादिल ।
जिल्ला जनस्वास्थ्य ज्याकू, मोरङया अधिकृत शिवनारायण यादवया संयोजकत्वय् वंगु पुचलं जिल्ला प्रशासन ज्याकूया प्रतिनिधि, औषधि व्यवस्था विभाग ज्याकू, विराटनगरया प्रमुख व प्रहरीया तकं ब्वति दुगु खः ।
छ्याता
फेसबुक छ्याता