येँ, ११३७ कछलागा सप्तमी , २०७३ मंसिर ६
संसदय् दुगु निगु पार्टी राष्ट्रिय प्रजातन्त्र पार्टी व राप्रपा नेपालया दथुइ थौं एकता जुगु दु । संवैधानिक राजतन्त्र व हिन्दु राष्ट्रया माग ज्वनाज्वंगु राप्रपा नेपाल व गणतन्त्र कःघागु राप्रपा दथुइ ताःईया कसरत लिपा थौं पार्टी एकता जुगु खः ।
येँया प्रज्ञा भवनय् जुगु एकता सभा न्ह्यः राप्रपाया नायः पशुपति शमसेर जवरा व राप्रपा नेपालया नायः कमल थापां ल्हाचिं यागु खः ।
एकिकृत पार्टीं हिन्दु राष्ट्र देकेत पहल यायेगु एकता सभाय् न्हयथंगु खः । पार्टी एकिकरण लिपा एकिकृत राप्रपा ३७ म्ह दुजः नापं संसदको प्यंगुगु तधंगु शक्ति जुगु दु ।
निम्ह नायः नापं न्वकु, छ्यांजे व पदाधिकारी याना निगु पार्टीया पाखें २म्ह दुजः दइगु कथं ३सः दुजःया ज्यासना पुच दयेकुगु दु ।
कमल थापायात एकिकृत पार्टीया नायः नापं संसदीय दलया नेता देकुगु दु धासा राप्रपा नायः पशुपति शमशेर राणा राष्ट्रिय नायः देकुदुगु दु ।
0 Comments:
Post a Comment