येँ, ११३७ कछलागा सप्तमी , २०७३ मंसिर ६
प्रधानमन्त्री पुष्पकम दाहालं भ्वखाय् लिपाया देकेज्याय् थ्वम्हँ बियागु उजँ कथं सन्तोषजनक पालना मजुगु धासें थौं कडा उजँ बीयादिगु दु । प्रधानमन्त्री व मन्त्रिपरिषदया ज्याकू सिंहदरबारय् नेपाल सरकारया मूसचिव डा सोमलाल सुदेवी नापं थीथी मन्त्रालयया सचिवयात वयेकलं सरकारया प्राथमिकता व जनजीविकाया न्ह्यसःलय् परिणाममूलक ज्या यायेत उजँ बीयादिगु खः ।
थ्व न्ह्यः प्रधानमन्त्री दाहालं गत साउन २३ गते सरकारया बजेत, नीति व ज्याझ्वयात ध्यानय् तयाः थीथी सुधारया ज्या व योजना हयेगु उजँ बीयादिगु खः । सरकारं संविधान छ्यलेत, पुनःनिर्माण, निर्वाचनसम्बन्धी कानुन देकेज्या यात प्राथमिकता बियावयाच्वंगु दु ।
प्रधानमन्त्री दाहालया प्रशासकीय सल्लाहकार नारायण दाहालं परिणाममूलक ज्याया नितिं थथे पलाः न्ह्याकेत कडा उजँ बीयादिगु न्ह्यथनादिल । प्रधानमन्त्री दाहालं थः प्रधानमन्त्रीइ नियुक्त जुयागु ४५ न्हु दुने भ्वखाय् पीडितया निजी छेँ देका अनुदान पीडितया ल्हातय् थ्यंकेगु व स्वला दुने ग्रामीण लागाय् चिकित्सक छ्वयाः सेवा बीगु उजँ बीयादिगु खः ।
0 Comments:
Post a Comment