ने.सं ११३७ कछलागा त्रयोदसि, २०७३ मङ्सिर १२
दलिय सहमति मजुया संविधान संशोधनया प्रस्ताव थौं संसदय् दर्ता यायेगु सरकारया तयारी लिज्यागु दु ।
प्रमूख प्रतिपक्षी दल नेकपा एमालय असहमति व मधेशी छुँ दलया तकं असन्तुष्टिं सरकारं थौं संसदय् दर्ता यायेगु तयारी यागु संशोधनया प्रस्ताव दर्ता मजुगु खः ।
सत्तारुढ दल राप्रपा तकं उगु प्रस्तावय् सहमति मप्वंकुगुलिं सरकार लिच्युगु खः । थौंया मन्त्रिपरिषद मूँज्यां पारित याना संसदय् दर्ता यायेगु थ्व न्ह्यः सरकारं तयारी यागु खः । तर मन्त्रिपरिषद् मूँज्यां थथें संविधान संशोधन विधेयक दर्ता मयायेगु निर्णय यागु दु ।
आइतबाःया मन्त्रिपरिषद्या मूँज्यां संविधान संशोधन विधेयकया मस्यौदा पारित यासें संसदय् दर्ता यायेगु तयारी दुगु खः । तर, संविधान संशोधनया विधेयक पेश मजुल । संविधान संशोधन विधेयकबारे अझ नं खँ मब्यानि ।
सरकारया प्रवक्ता सूचना नापं सञ्चारमन्त्री सुरेन्द्र कार्कीं कन्हे नं मन्त्रिपरिषद्या मूँज्या सःतुगु न्हयथनादिल । वंगु शुक्रबाःया मन्त्रिपरिषद् मूँज्यां नं संविधान संशोधन विधेयक दर्ता यायेगु धाःगु खः । तर, लिपांगु ईलय् वयाः मूँज्या स्थगित याना आइतबारया नितिं सःतुगु खः ।
कांग्रेस–माओवादी दथुइ शुक्रबाःया मूँज्यां थप आन्तरिक सहलह याना जक संविधान संशोधनया मस्यौदायात लिपांगु रुप बीगु समझदारी यागु खः ।
छ्याता
फेसबुक छ्याता