मिसा हिंसाविरुद्धया दिवस न्यायेकल


ने.सं ११३७ कछलागा एकादसी, २०७३ मङ्सिर १०  

थौं मिसा हिंसाविरुद्धया दिवस थीथी जनचेतनामुलक ज्याझ्व याना न्यायेकाच्वंगु दु ।

संयुक्त राष्ट्रसंघया सन् १९९९ या महासभां नोभेम्वर २५ यात मिसा हिंसा विरुद्धया दिवस कथं न्यायेकेगु निर्णय यागु खः । व कथं दय्दसँ नोभेम्बर २५ य् मिसा विरुद्धया हिंसाया विरुद्ध फुक्क हलिंया समूदाय नापंच्वना एैक्यवद्धता प्वंकाच्वंगु दु ।

थ्व दथुइ ‘छेँ शान्ति हे विश्व शान्तिया आधारः ताहाःगु विकासया नितिं लैङ्किक हिंसारहित समाज’ धइगु नारा नापं लैङ्गिक हिंसा विरुद्धया १६न्हुया अभियान–२०१६ नं थौं निसें न्ह्याःगु दु ।

दय्दसँ नोभेम्बर २५ निसें डिसेम्बर १० तक न्यायेकिगु थुगु दिवसया इलय् महिला, बालिबालिका तथा समाजकल्याण मन्त्रालय नापं थीथी गैरसरकारी संस्थाया उपस्थितिइ थीथी ज्याझ्व जुगु दु ।

राष्ट्रपति विद्यादेवी भण्डारीं मिसा हिंसाविरुद्धया अन्तराष्ट्रिय दिवसं मर्यादित समाज देकेत फुकसित उत्प्रेरणा बीमा धका भिंतुना बियादिल ।  

Share on Google Plus

News: Newa News

    छ्याता
    फेसबुक छ्याता

0 comments:

Post a Comment