पद्मरत्न नेतृत्वया न्ह्यलुवातयेसं प्रधानमन्त्रीयात संविधान संशोधनया सम्बन्धय् छ्याताया इनाप पौ लल्हा:त


ने.सं ११३७ कछलागा त्रयोदसि, २०७३ मङ्सिर १२ 

प्रधानमन्त्री पुष्पकमल दाहालं संविधान संशोधनया खँ लिपांगु चरणय् थ्यंगु व सत्ता पक्षय् दुगु फुक्क दलनापया सहलह याना क्वःछिगु न्ह्यथंगु दु ।

पद्मरत्न तुलाधर नेतृत्वया आदिवासी जनजाति आन्दोलनया न्ह्यलुवात थौं प्रधानमन्त्री दाहालयात प्रधानमन्त्री निवास बालुवाटारय् नापलाना संविधान संशोधनया सम्बन्धय् छ्याता नापं इनाप पौ लल्हा:गु प्रधानमन्त्रीया निजी सचिवालय नं न्ह्यथंगु दु ।

इनाप पतिइ संविधान संशोधन याना न्हापाया संविधानसभाया राज्य पुनःसंरचना व राज्यशक्ति बाँडफाँट समिति व राज्य पुनः संरचना आयोगया प्रतिवेदनयात आधार देका १०गु प्रदेशया प्रस्ताव दर्ता यायेत माग याःगु दु ।

प्रतिनिधिमण्डलं न्हापा संविधानसभाया समिति व आयोगया प्रतिवेदनयात आधार देःका न्ह्यः वनेमफुसा उगु कथंया उजँ बिया शक्तिशाली आयोग देकेत सीमाङ्कन नापंया खँ क्वःछित ध्यानाकर्षण याःगु दु ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment