सन् २०३० विश्वकप ग्वसाग्वयेत अर्जेन्टिना, चिली, उरुग्वे व पाराग्वे नं मंका प्रस्ताव तःगु दु ।
थ्व प्यंगु देया जक मजूसे मुक्कं महादेशया म्हगस जूगु दक्षिण अमेरिकी फुटबल महासंघ (कम्बोल) या नायः अलेजेन्ड्रो डोमिन्र्गुजं न्ह्यथनादिल । विश्वकप यक्व जुइ, तर १०० दँय् छक विश्वकप घरेलु मैदान वयेमाःगु वयेकःया धापु दु । उरुग्वें सन् १९३० य् न्हापांगु विश्वकप ग्वसाःग्वःगु खः ।
चिलीं सन् १९६२ या विश्वकप ग्वसाःग्वःगु खःसा अर्जेन्टिनां १९७८ या ग्वसाःग्वःगु खः । २०२२ या विश्वकप कतारय् जुइत्यंगु दुसा २०२६ या विश्वकप क्यानडा, मेक्सिको व अमेरिकां मंका कथं ग्वसाःग्वयेत्यंगु दु ।
बेलायत व आयरल्यान्ड फुटबल संघं २०३० या ग्वसाःग्वयेत प्रस्ताव मतयेगु व २०२८ या युरो ग्वसाःग्वयेत ध्यान बीगु धाःगु दु । फिफां धाःसा २०२४ य् जक २०३० या ग्वसाः खलः क्वःछीगु न्ह्यथंगु दु । २०३० विश्वकप ग्वसाः ग्वयेत स्पेन व पोर्चुगलं नं मंका प्रस्ताव बीधुंकुगु दु ।
0 Comments:
Post a Comment