यल महानगरपालिका वडा नंबर १६ सामुदायिक स्वास्थ्य केन्द्रया ग्वसालय् निःशुल्क मिखा जाँच शिविर क्वचाःगु दु। शनिबाः यलया नागवहालय् निःशुल्क मिखा शिविर क्वचाःगु खः ।
मिखा शिविरय् मिखा क्यनेगु निसें मोतिया विन्दूया अप्रेसन नापं मिखा दान व छ्यंगु दान ज्याझ्वः तकं जूगु यल महानगरपालिका वडा नंबर १६ या वडा अध्यक्ष निर्मलरत्न शाक्य न्ह्यथनादीगु दु । वडा अध्यक्ष शाक्यया कथं, मिखा शिविरय् ५०० म्हेस्यां मिखा जाँच याःगु दु । शिविरय् ज्येष्ठ नागरिकनिसें मस्त तकंया उत्साहजनक ब्वःति दूगु खः।
नेपाल आँखा अस्पतालया बरिष्ठ मिखा विशेषञ डा.इन्दुप्रसाद ढुंगेल व डा.किरण शाक्यया नेतृत्वय् निःशुल्क मिखा शिविर क्वचाःगु खः। डाक्टर पुचलय् कल्याण ढुंगाना, रचना काफ्ले, रेखा घिमिरे, यशोदा तिवारी, राधिका घले व एलिना गोपाली दूगु खः ।
0 Comments:
Post a Comment