नेपाल प्रहरीया १३ म्ह पूर्वमहानिरिक्षकतयेसं प्रहरी एकेडेमी सारेयायेगु निर्णय लितकायेत प्रधानमन्त्री शेरबहादुर देउवाया ध्यानाकर्षण याःगु दु ।
बुधबाः प्रधानमन्त्री निवास बालुवाटारय् मंका कथं नापलाना प्रहरी एकेडेमीयात काभ्रे सारेयायेगु तयारी लित कायेत पूर्वमहानिरीक्षकपिंसं इनाप याःगु खः ।
केपी शर्मा ओली नेतृत्वया सरकारं महाराजगञ्जय् राष्ट्रपति ज्याकुनापं एकेडेमीयात काभ्रेया पनौती सारेयायेगु क्वछ्यूगु खः । ओली सरकारया उगु क्वछिनायात लित कायेत इनाप याःगु खः ।
महाराजगञ्जय् दूगु एकेडेमीया हुनिं राष्ट्रपति ज्याकुयात असर याःगु धासें ओली सरकारं सारेयायेत्यंगु खः ।
ज्ञापनपौ काःसें प्रधानमन्त्री देउवां सहलह याना क्वछिगु लिसः बियादीगु खः ।
0 Comments:
Post a Comment