जातीय विभेदयात प्रश्रय ब्यूगु द्वपं लानाच्वंम्ह शिक्षामन्त्री कृष्णगोपाल श्रेष्ठं राष्ट्रिय मानव अधिकार आयोग न्ह्यः गल्ती महसुस जूगु न्ह्यथनादीगु दु ।
आयोग पदाधिकारीत नाप सहलह यासें मन्त्री श्रेष्ठं गल्ती जूगु महसुस यानागु व आवंलिं थज्यागु गल्ती मयायेगु न्ह्यथनादिल ।
जातीय विभेद याःगु द्वपनय् ज्वनातःम्ह छेँ थुवायात श्रेष्ठं झण्डावाल गाडीइ हे तया छेँ तक त्वतुगुलिं मन्त्री श्रेष्ठ विवादय् वःगु खः ।
आयोगं थूगु प्रकरणय् मन्त्री श्रेष्ठयात मंगलबाः आयोगया ज्याकुथिइ सःता सहलह ब्याकुगु खः ।
शिक्षामन्त्रीया राजिनामा फ्वना आन्दोलन यानाच्वंपिं अधिकारकर्मिपिंसं धाःसा आयोग नाप माफि जक मगाःगु धाःगु दु । मन्त्री श्रेष्ठं सार्वजनिक रुपं हे माफि फ्वनेमाःगु इमिगु तर्क दु ।
आयोगया प्रेस विज्ञप्ति क्वय् ब्वनादिसँ ।
0 Comments:
Post a Comment