लकडाउनया ई नापं नेपाल भाषा ख्यलय् बांलाःगु हे प्रगति जूगु खनेदु । थ्व हे झ्वलय् थौं गुलि न्हयपुइसे च्वं बोलया म्येया म्यूजिक भिडियो पितब्यूगु दु ।
ख्यालि जुजु मदनकृष्ण श्रेष्ठया मू पाहाँसुइ म्ये पितब्यूगु खःसा वयेकलं थ्व म्ये न्यना थःगु म्ये तकं ल्वमंगु धका प्रशंसा यानादिल । थ्व म्ये हालामि सरिता शाहीनाप याकनं थःम्हं म्ये हालेगु वयेकलं न्ह्यथनादिल । आनन्द बज्राचार्यया च्वसा, राजु सिहंया संगीत व जुगल डंगोलया संगीत संयोजन दूगु म्येय् किशोर चिपालु व आराध्यलक्ष्मी खड्गीया कला स्वयेदइ ।
थूगु म्ये नं डाइनामिक ट्रियो अर्थात निर्देशक राजन शाही, परिकल्पनाकार दर्शन वीर शाक्य व छाँयाकार नापं सम्पादक मनोजरत्न शाहीया न्ह्यब्वया खः । लकडाउन लिपा थ्व पुचलं थ्यं मथ्यं बागु दर्जन म्यूजिक भिडियो निर्माण यायेधुंकुगु दु ।
0 Comments:
Post a Comment