नारायण गोपाल व असफलता


स्वर सम्रात नारायण गोपाल गुरुवाचार्यया थौं ३० क्वःगु स्मृति दिवस । नेपाली म्येया इतिहासय् कालजयी म्ये बियादीम्ह वयेकः नेपाःया धाथेंम्ह सपुत खः । तर वयेकःया जीवनय् यक्व हे असफलता नं दु । 

थःगु मन्त्रमुग्ध याइगु सलं स्वरसम्राटया उपाधि जनलहरं कयादिम्ह वयेकः थौं तक नं थूगु अनौपचारिक पदवी धारण यानाच्वनादीगु दुसा थूगु पदयात हाचाँ गायेगु हिम्मत आःतक सुनां नं याये मफुनि ।

वि सं १९९६ सालय् येँया किलागलय् बूम्ह वयेकः २०४७ साल मङंसिर १९ गते मदुगु खः ।

विक्रम सम्वत् २०२० सालय् रेडियो नेपालं माणिकरत्न स्थापित व प्रेमध्वज प्रधानया संगीतय् म्ये हाला सः परीक्षा पास यानादीम्ह नारायण गोपालं सछि व ३६ पु स्वयाँ अप्व म्ये हालादिल ।

तर वयेकःया नेपालभाषाया म्ये हालेगु म्हगस धाःसा पूमवन । नेपालभाषाया म्ये हालेत वयेकलं गोरखापत्रय् म्ये च्वमि पिंत इनाप यासें विज्ञापन तकं तःगु खःसां छपु हे नेपालभाषाया म्ये वयेकः थाय् मथ्यन । थुकि वयेकः असफल जुयादिल । तर नेपालभाषाया छुं म्येय् वयेकलं संगीत धाःसा तयादिल ।

अथेहे दकलय् न्हापां सःया परिक्षा बीगु झ्वलय् वयेकः फेल जुयादिल । वयेकः नापं परिक्षा ब्यूम्ह कुमार बस्नेत धाःसा पास जूगु खः । ततमम वःगुलिं वयेकः फेल जूगु खः ।

अथेहे भारतया बरौडाय् महाराज फिरदौस संगीत महाविद्यालयया संगीत शिक्षा दथुइ त्वःता वयेकः लिहाँ झाःगु खः । वयेकःयात शास्त्रीय संगीतय् लगाव मदुगुलिं त्वःता वःगु धाइ ।

माइतीघर संकिपाया म्ये हालेगु झ्वलय् म्ये हाले मफया वयेकmया पलेसा मेम्हसित म्ये हायेकल । अथेहे संकिपा कोसेलीइ उसाँय् मभिना दथुइ हे म्ये हालेगु त्वतादिल । 

थज्यागु हे असफलतायात लिउने त्वःता वयेकः थौं झी दथुइ स्वरसम्रात कथं अमर जुयादि ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment