नेपाल ओलम्पिक कमिटीया वुमेन्स कमिसनय् बुधबाः ज्योति राणाया नायःसुइ ११ म्ह दुजःया कमिटी निस्वंगु दु । कमिसनय् राणाया नायःकथं निक्वःगु कार्यकाल खः । नेपाल ओलम्पिक कमिटीया सातदोबाटोया ज्याकुथिइ जूगु ज्याझ्वलय् नायः जीवनराम श्रेष्ठं सफलताया कामना यानादीगु खः ।
कमिसनय् बिमला पौडेल, हेल्गा राणा रायमाझी, नन्दा बस्याल, प्रमिला सिंह श्रेष्ठ, प्रतिमा शाह, रेणुका सिटौला, सुधा शाक्य, सुनकेशरी माली, प्रेमा डोल्मा लामा श्रेष्ठ व गीता श्रेष्ठ दुजः कथं दु ।
ज्याझ्वलय् नायः राणां कमिसनं मिसा कासामिया हित व स्वार्थया नितिं सः ल्ह्वनिगु न्ह्यथनादिल । मिसा कासामियात जुइफुगु यौन दुव्र्यवहारबारे जनचेतना नापं छाउ प्रथाबारे नं चेतनामूलक ज्याझ्वः याइगु धाःगु दु ।
0 Comments:
Post a Comment