शब्द, संगीत व सःया समिश्रणं म्ये न्यने बहजुइ । तर उगु हे म्ये स्वयेबह यायेत कलात्मकता झःझः धायेका म्यूजिक भिडियो देकुसा जक स्वकुमिया मन त्याके फइ । थज्यागु हे छगु म्ये रत्न शोभा महर्जनया सलय् थ्वःगु दुसा ईलोहं प्रकाशनया न्ह्यब्वया कथं नेपालभाषाया न्हूगु म्युजिक भिडियो युट्युबय् प्रिमियर जूगु दु । कोरोनाया संक्रमणं असर लाकाच्वंगु इलय् हे छु जुल रे मन जिगु बोलया थूगु म्ये सुटिंग याना पितब्यःज्या तकं जूगु दु । मंगलबाः छगु ज्याझ्वःया दथुइ प्रिमियर जूगु खः ।
ईलोहं प्रकाशनया प्रबन्ध निर्देशक नरेशवीर शाक्यया सभापतित्वय् न्ह्याःगु ज्याझ्वलय् मू व्यवस्थापक नापं थूगु म्येया च्वमि दर्शनवीर शाक्यं थूगु म्येया बारे थःगु खँ तयादीगु खः ।
नेपालभाषा म्यूजिक भिडियोया एकछत्र नायक रुपेन श्रेष्ठं थःम्हं उलिमछि म्यूजिक भिडियो व संकिपा याःसां थूगु म्ये थें मनुतय् हुल व सेटिंगय् याय् मनंगु धाःसें न्हूगु अनुभव कयागु न्ह्यथनादिल । अथेहे भिडियोया मू पात्र जुयादीम्ह न्हूम्ह प्रतिभा रविना तुलाधरं थ्व थःगु ड्रिम प्रोजेक्ट जूगु न्ह्यथनादिल ।
म्येय् जिवित जल्मिया लय् व संगीत संयोजन दूगु खःसा सूर मेलोडी स्टुडियोय् रेकर्डिंग जूगु खः ।
सुष्मा महर्जनं न्ह्याकादीगु ज्याझ्वलय् वरिष्ठ सिने पत्रकार विजयरत्न असंबरें म्येया तारिफ यानादिल ।
मेकअपय् उमिसा पाण्डें याःगु खः ।
म्येया भिडियो :
0 Comments:
Post a Comment