जोन्सन एन्ड जोन्सन कम्पनीं कोभिड -१९ खोपया क्लिनिकल ट्रायल छुँ इया नितिं दिकुगु दु । कम्पनीं कोभिड-१९ या क्लिनिकल ट्रायलय् ब्वःति काम्ह मनु 'अस्पष्ट ल्वगि' खनेदूगु धासें खोप परीक्षणयात थथें दिकुगु खः ।
कम्पनीं गोपनीयताया नितिं ल्वगिया बारे धाःसा मधाः। खोप परीक्षण याम्ह ल्वगियात निर्देशिका कथं इन्डिपेन्डेन्ट डाटा सेफ्टी मोनिटरिङ बोर्ड (डिएसएमबी) नापनापं कम्पनीया आन्तरिक क्लिनिकल व सुरक्षाया फिजिसियनतयेसं समीक्षा व मूल्याङ्कन यानाच्वंगु दु। कम्पनीं द्वलंद्व ब्वति दइगु तःधंगु परीक्षण थथें दिकेगु सामान्य हे जूगु न्ह्यथनादिल ।
वंगु ला जोन्सन एन्ड जोन्सन कम्पनीं थःम्ह उत्पादित कोभिड-१९ या प्रयोगात्मक खोपं कोरोना भाइरसविरूद्ध ल्वायेत बल्लाःगु प्रतिरक्षा प्रणाली दयेकुगु दाबी याःगु दु । वयाँलिपा कम्पनीं ६० द्व म्हेसिया खोप परीक्षण याःगु खः। उकिया लिच्व थुगु दँया लिपांगु इलय् वा सन् २०२१ या न्हापांगु इलय् वइगु न्ह्यथंगु दु । स्वंगुगु ब्वय् थ्यंगु प्यंगु खाेपय् जोन्सन एन्ड जोन्सनया खोप नं लाः ।
0 Comments:
Post a Comment