आइतबाः छन्हु काेराेना जुया सीपिनि ल्याः २९


कोरोना भाइरस (कोभिड-१९) या संक्रमणं २९ म्ह आइतबाः मन्त ।  स्वास्थ्य तथा जनसंख्या मन्त्रालय व अस्पतालया प्राप्त विवरण कथं येँय् ५ म्ह, सुनसरी व रुपन्देहीइ ४/४ म्ह, चितवनय् ३ म्ह, ख्वप व बाँकेय् २/२म्ह अथेहे यल, काभ्रे सिन्धुपाल्चोक, नुवाकोट, सप्तरी,सुर्खेत, कैलाली व धनकुटाय् छम्हछम्ह सित । अथेहे चितवनया भरतपुरय् छम्ह कोरोना संक्रमणं सित ।  

सिपिं येँ महानगरपालिका-६ या ६६ दँया मिसा, चाबहिलया ७० दँया मिजँ त्रिवि शिक्षण अस्पताल, नयाँ बजारया ७५ दँ दुम्ह मिजँ सशस्त्र प्रहरी अस्पतालय् मन्त । अथेहे येँया भिंद्यः पाःचाया ८३ दँ व असंया ६० दँया मिजँ पाटन अस्पतालय् मन्त । 

नुवाकोटया ७७ दँया मिजँ वीर अस्पतालय् मन्त ।

यलया ४९ दँ, सिन्धुपाल्चोकया ६३, व चितवनया ९८ दँया मिजँ मेडीसिटी अस्पतालय् मन्त ।

धुलिखेल-११, काभ्रेया ५२ दँ व ख्वपया ४४ दँया मिजँ धुलिखेल अस्पतालय् मन्त । ख्वपया ५७ दँया मिजँ सशस्त्र प्रहरी अस्पतालय् मन्त ।

धरान उपमहानगरपालिका-८, सुनसरीया ६२ दँया मिसा, दुहवी, सुनसरीया ६५ दँया मिजँ व धनकुटाया ६१ दँया मिसा बीपी कोइराला स्वास्थ्य विज्ञान प्रतिष्ठान धरानय् मन्त । 

दुहवी नगरपालिका-३, सुनसरीया ४० दँया मिसा, हरिनगर-४, सुनसरीया ७१ दँया मिजँ नोबेल मेडिकल कलेज मन्त ।

रुपन्देहीया बुटवल-११, ८४ दँया मिजँ व ६१ दँया मिसा, बुटवल-१ या ७० दँया मिजँ व तिलोत्तमा नगरपालिका-३या ६६ दँया मिसा कोरोना अस्पताल, बेलुझण्डीइ मन्त ।

चितवनया भरतपुर महानगरपालिका-१ या ७५ दँया मिसा चितवन मेडिकल कलेज, भरतपुर महानगरपालिका-२० या ६९ दँया मिजँ अथेहे ४० दँया मिसाया भरतपुर अस्पतालय् मन्त ।

बाँकेया नेपालगञ्ज उपमहानगरपालिका-१० या ८४ दँया मिजँ, कोहलपुर नगरपालिका-८ या ७१ दँया मिसा भेरी अस्पतालय् मन्त ।

सप्तरीया डाक्नेश्वरी नगरपालिकाया ६५ दँया मिसाया छिन्नमस्ता अस्पतालय् ज्यान वन ।

वीरेन्द्रनगर नगरपालिका-१०, सुर्खेतया ६५ दँया मिसा प्रदेश अस्पतालय्, धनगढी उपमहानगरपालिका-३, कैलालीया ५२ दँया मिजँ सेती प्रादेशिक अस्पतालय् मन्त ।

Share on Google Plus

News: Newa News

    छ्याता
    फेसबुक छ्याता