शनिबाःतक वा वैगु

देन्यंकं वयाच्वंगु वा शनिबाः तक वयाच्वनीगु जल तथा मौसम विज्ञान विभागया मौसम पूर्वानुमान महाशाखां न्ह्यथंगु दु । शनिबारः धाःसा माैसमय् सुधार जुइगु मौसमविदया धापु दु । मौसमविद प्रतिभा मानन्धरं थाैं व कन्हे देन्यंकं वा वैगु न्ह्यथनादिल । गनं गनं तच्वकं वा वैगु पुर्वानुमान यानादिल । 

देन्यंकं सामान्यनिसें पूर्ण बदली जुया हल्कानिसें मध्यम वा वयाच्वंगु दु । प्रदेश नं. १, प्रदेश नं. २, बागमती प्रदेश, गण्डकी प्रदेश, प्रदेश नं. ५ व कर्णाली प्रदेशया १–२ थासय् अति भारी वर्षा जुयाच्वंगु दु ।  येँय् ६०.५ मिलिमिटर वाया रेकर्ड दूगु मौसमविद मानन्धरं न्ह्यथनादिल । 

मेगु थासं अध्यावधिक विवरण मवःनि । नेपालं मनसुन पिहाँवनेत अझ छुँ दिं काइगु मौसम विज्ञान विभागं न्ह्यथंगु दु ।

Share on Google Plus

News: Newa News

    छ्याता
    फेसबुक छ्याता