नयेगु नसा तधं कि अयेलाया नसा, चीसंकिपा नसा युट्यूबय्


छेँया हामा स्यनकि छेँ गुकथं अस्तब्यस्त जुइ ? थ्व हे क्यनिगु चीसँकिपा (सर्टमुभि) नसा वंगु निक्वःगु नेपालभाषा चीहासंकिपा धेधेबल्ला कासाय् क्यंगु खः । छेँया हामा अयेलाया नसाय् तक्यना छेँया जिम्मेवारी कःमघायेधुंका छेँया जिम्मा कःघाम्ह छेँया नकिंयात गुलि थाकुइ । मस्तय् व्यथा व पित्या स्वय् मफया माँम गज्यागु पला तकं ल्ह्वनेफु धैगु क्यनेत थूगु संकिपा दयेकातःगु खः । 

लकडाउन जुया आर्थिक अवस्था बामलापिंत तकं जुयाच्वंगु समाजया नकारात्मक व्यवहार व कटू यथार्थयात क्यनेगु कुत थूगु चीहा संकिपा नसा खः । 

नेपालभाषाया लोकंह्वाःपिं कलाकारपिं रुपेन श्रेष्ठ व आराध्यलक्ष्मी खड्गीया अभिनय दूगु थूगु संकिपातय् नायक श्रेष्ठया म्हाय् सिम्रिक श्रेष्ठ नापं अस्तर खड्गीं बाल कलाकार कथं म्हितादीगु दु । अथेहे सुमन चित्रकार, सनमकुमार घायल, भेष महर्जन, श्रीकृष्ण खड्गी नापंया अभिनय दु ।

लेखन तथा निर्देशन राजेशमान सिंहलया दुसा छायाँकन व सम्पादन सोहन मानन्धरया दु ।

संकिपाया लिंक क्वय् दु ।


Share on Google Plus

News: Newa News

    छ्याता
    फेसबुक छ्याता