वंगु भदौ १ गते निसें न्ह्यानाच्वंगु अन्तर्राष्ट्रिय नेपालभाषा साहित्य सम्मेलनया थौं भदौ ७ गते समापन जुइत्यंगु दु । हलिं नेवाः गुथिया ग्वसालय् जुयाच्वंगु थूगु सम्मेलनय् थ्यंमथ्यं १५० दे दुने व दे पिनेया नेपालभाषा नापं हलिंन्यंकंया भाषा अनुवादया साहित्य रचना न्ह्यब्वःगु दु ।
न्हिथं बहनीसिया न्याता त्या इलं जुमय् न्ह्यानाच्वंगु सम्मेलनया अन्तिम दिन समापन यायेगु नापं जनकवि दुर्गालाल श्रेष्ठया नितिं पहल यायेगु घोषणा जुइत्यंगु दु । थ्व हे अवसरय् जनकवि श्रेष्ठं च्वयातःगु थीथी कृतिया थीथी भाषं जूगु अनुवाद तकं समापन ज्याझ्वलय् न्ह्यब्वयेत्यंगु दु ।
वाङ्मय शताब्दी पुरुष सत्यमोहन जोशीं जुम पाखें हे उलेज्या याना न्ह्याकादीगु सम्मेलन नेपालभाषाया आःतकया गोष्ठि मध्ये भब्य व सभ्य जूगु ग्वसा खलः हलिं नेवाः गुथिया नायः जुजुमान श्रेष्ठं न्ह्यथनादीगु दु । अथेहे न्यान्हुतकया नितिं क्वःछ्यूगु थूगु सम्मेलन रचनाया चापया हुनिं निन्हु तना न्हयेन्हु तक यंकेमाःगु ज्याझ्वःया कजि श्रीकृष्ण महर्जनं न्ह्यथनादिल ।
0 Comments:
Post a Comment