स्वनिगलय् निषेधाज्ञा (लकडाउन) भदौ १७ तक


स्वनिगलय् भदौ ३ गतेनिसें न्ह्याःगु निषेधाज्ञा छवा तंगु दु ।

येँ, यल व ख्वपया स्वंगु प्रमुख जिल्ला अधिकारीं स्वनिगःया सुरक्षा निकायया प्रमुख, नगरपालिका मेयर व जनस्वास्थ्य ज्याकुया अधिकारीनाप सहलह यायेधुंका निषेधाज्ञा तंगु खः ।

३ भदौया निसें न्ह्याःगु निषेधाज्ञा आः १७ भदौतक कायम जूगु दु ।

सोमबाः उपत्यका नगरपालिका फोरमया मुँज्यां संक्रमण अप्वःगुलिं १५ भदौतक निषेधाज्ञा तयेत सिफारिस याःगु खः । मंगलबाः जिल्ला कोभिड–१९ क्राइसिस म्यानेजमेन्ट सेन्टर (डीसीसीएमसी) व स्वनिगःया मेयरपिं दथुइ जूगु सहलह लिपा निषेधाज्ञा अप्वयेकेगु सिफारिस याःगु खः ।

थूगु इलय् वासः, नसा व अत्यावश्यकीय वस्तु न्यायेगु ज्या बाहेक पिहाँ वय् मदइगु न्ह्यथंगु दु । पिहाँ वयेत मास्क अनिवार्य तयेमा ।

नियमित सेवाय् वनेत सुथः ९ बजेनिसें साढे १० बजेतक व न्हिनय् ३ निसें साढे ५ बजेतक वयेवने दइ ।

होटल, रेष्टुरेन्ट, फुटपाथ पसः चायेके मदु । बैंक नापंया निकायं न्यूनतम कर्मचारी तया स्वास्थ्य सुरक्षाया मापदण्ड पालना याना सेवा बीमा ।





Share on Google Plus

News: Newa News

    छ्याता
    फेसबुक छ्याता