कोरोनां दकलय् अप्व ११ म्ह मनु छन्हुं मन्त, सीपिनि ल्याः १३७


कोरोना भाइरस (कोभिड १९) संक्रमणं ११ म्ह मदुगु स्वास्थ्य मन्त्रालयं पुष्टि याःगु दु । थ्व नापं नेपालय् कोरोनां मदुपिनि ल्याः १३७ थ्यंगु दु ।

पर्साय् २ म्हेसिया मृत्यु जूगु दु । अथेहे येँ, यल, मोरङ, मकवानपुर, दोलखा, प्युठान, धनुषा, सर्लाही व सप्तरीइ छम्ह छम्ह मदुगु खः ।

येँ महानगरपालिका ४ या ७६ दँया मिजँ बलम्बुया सशस्त्र प्रहरी अस्पतालय् बिहीबाः सनिलय् मदुगु खः ।

यलया लुबु १४ या ८६ दँया मिजँ हृयाम्स अस्पतालय् उपचारया झ्वलय् मदुगु खः ।

दोलखाया ३० दँया मिसा पाटन अस्पतालय् मदुगु खः ।

सर्लाहीया मलंगवाया ४६ दँया मिजँ नं पाटन अस्पतालय् मदुगु खः ।

मोरङया बिराटनगर ६ सरोचियाया ४५ दँया मिजँ मन्त । भदौ ३ य् कोरोना संक्रमण पुष्टि जूम्ह वयेक होम आइसोलेसनय् मदुगु खः ।

प्युठानया स्वर्गद्धारी नगरपालिका ७ सोत्रेया ६४ दँया मिजँ कोरोना विशेष अस्पताल बुटवलय् उपचारया झ्वलय् मदुगु खः ।

पर्साया वीरगञ्ज महानगर १० रानीघाटया ४८ दँया मिजँ ३२ सउनय् वीरगञ्ज हेल्डकेयर कोभिड अस्पतालय् भर्ना जुया उपचार याकुयाकुं मदुगु खः ।

सप्तरीया ७७ दँया मिजँ बलम्बुया एपीएफ अस्पतालय् मन्त । ३० साउनय् येँ वःम्ह वयेकः ३२ गते कोरोना पुष्टि जूगु खःसा ग्रिनसिटीइ भर्ना जुया बिहीबाः जक बलम्बु यंकुगु खः ।

बुधबाः मदुम्ह धनुषाया नगराइन ३ फुलगामाया ५० दँया मिजँयाके नं कोरोना पुष्टि जूगु दु । बुधबाः प्रादेशिक अस्पताल, जनकपुरय् भर्ना जूम्ह वयेकः थप उपचारया लागि येँ हयेगु झ्वलय् लँपुइ मदुगु खः ।

वीरगञ्ज २६ सुगौलीया ५८ दँया मिजँ शुक्रबाः मन्त । कोरोना पुष्टि जुइधुंका तराई अस्पतालं वीरगञ्ज हेल्थकेयर कोरोना अस्पताल रिफर जूगु खः ।


Share on Google Plus

News: Newa News

    छ्याता
    फेसबुक छ्याता