नेपाः निम्न आय जूगु देसं निम्न मध्यम आय जूगु देया धलखय् थाहाँवंगु दु । विश्व बैंकं सार्वजनिक याःगु लिपांगु विवरणय् नेपाः निम्न मध्यम आय जूगु देया धलखय् लाःगु खः ।
विश्व बैंकया तथ्यांक कथं नेपामिया प्रतिव्यक्ति आय वंगु दँ स्वयाँ १३० डलरं अप्वःगु दु । सन् २०१९ य् नेपामिपिनिगु प्रतिव्यक्ति आय ९६० अमेरिकी डलर खः । सन् २०२० या जुलाई १ तक नेपामिपिनिगु प्रतिव्यक्ति आय द्वःछि व ९० अमेरिकी डलर थ्यंगु विश्व बैंकं न्ह्यथंगु दु ।
विश्व बैंकं हलिंन्यंकंया देयात उच्च, उच्चमध्यम, निम्नमध्यम व निम्न आय जूगु देया वर्गीकरणय् तया वयाच्वंगु दु । नेपाःयात सन् २०३० दुने मध्यम आय जूगु देया धलखय् तयेगु सरकारया आज्जु दु ।
छ्याता
फेसबुक छ्याता