अमेरिकां अमेरिकी सहयोग परियोजना (एमसीसी) या अनुदान थुगुसि पास मजुसा लिपा मदइगु ख्याच्वः ब्यूगु दु ।
सम्झौता नेपाःया संसदं अनुमोदन मजूनिगु खँ अमेरिकां वाःचायेकाच्वंगु न्ह्यथंगु दु । अमेरिकी दूतावासं अनुदान स्वीकार यायेगु वा मयायेगु नेपालं निर्णय यायेमाःगु न्ह्यथंगु दु ।
दूताबासं थूगु अनुदान स्वीकार यायेगु नेपाःया ल्ययेज्याया विषय जूगु त कोषया उपलब्धता न्ह्याबलें मदइगु न्ह्यथंगु दु ।
नेपाःया प्रतिनिधिसभाय् दर्ता जूगु एमसीसी सम्झौता जुन ३० दुने पारित यायेमा । तर सत्तारुढ नेपाल कम्युनिस्ट पार्टी (नेकपा) दुने हे विवाद जूगु हुनिं संसदय् सहलह तकं जुइ मफुनि ।
प्रधानमन्त्री केपी शर्मा ओली एमसीसी अनुमोदन यायेमाःगु पक्षय् दुसा अध्यक्ष पुष्पकमल दाहाल प्रचण्ड व वरिष्ठ नेता माधवकुमार नेपाल पक्षया नेतात वरिष्ठ नेता झलनाथ खनाल नेतृत्वया कार्यदलया प्रतिवेदनकथं न्ह्याः वनेमाःगुलिइ अडान कयाच्वंगु दु ।
एमसिसिया विरोधय् सदन निसें सतक तक सः वयाच्वंगु इलय् अमेरिकी दुतावासं पास मयाःसा थ्व अनुदान हानं मवइगु कथंया भाषं विज्ञप्ति पिकाःगु दु ।
छ्याता
फेसबुक छ्याता